മുഖ്യദൂതനായ മിഖായേല്‍ മാലാഖയോടുള്ള അത്ഭുത സംരക്ഷണ പ്രാര്‍ത്ഥന
മുഖ്യദൂതനായ വി . മിഖായേലേ,
സ്വർഗ്ഗീയ സൈന്യങ്ങളുടെ പ്രതാപവാനായ പ്രഭോ , ഉന്നത ശക്തികളോടും , അധികാരങ്ങളോടും , ഇരുളടഞ്ഞ ലോകത്തിലെ ഭരണകർത്താക്കളോടും , ഉപരിതലങ്ങളിലെ ദുരാത്മാക്കളോടുമുള്ള യുദ്ധത്തിൽ , ഞങ്ങളെ സഹായിക്കണമെ . ദൈവം സ്വന്തം ഛായയിൽ സൃഷ്ടിക്കുകയും വലിയ വിലകൊടുത്ത് വീണ്ടെടുക്കുകയും ചെയ്ത മനുഷ്യരെ പിശാചിന്റെ ക്രൂരഭരണത്തിൽ നിന്നും രക്ഷിക്കുവാൻ വരണമെ . അങ്ങയെയാണല്ലൊ സഭ തന്റെ പരിപാലകനും സംരക്ഷകനുമായി വണങ്ങുന്നത് . കർത്താവ് രക്ഷിച്ചു . ആത്മാക്കളെ സ്വർഗ്ഗത്തിലേയ്ക്ക് കൂട്ടിക്കൊണ്ടു പോകുവാൻ നിയുക്തനായിരിക്കുന്നത് അങ്ങു തന്നെയാണല്ലോ . ആകയാൽ ഞങ്ങളുടെ പാദങ്ങളുടെ കീഴിൽ , പിശാചിനെ അടിപ്പെടുത്തുവാൻ സമാധാന ദാതാവായ ദൈവത്തോട് പ്രാർത്ഥിക്കണമെ . അവൻ ഒരിക്കലും മനുഷ്യരെ കീഴ്പ്പെടുത്തുകയോ തിരുസഭയെ ഉപദ്രവിക്കുകയോ ചെയ്യാതിരിക്കട്ടെ . കർത്താവിന്റെ കരുണ വേഗം ഞങ്ങളുടെ മേൽ ഉണ്ടാകുന്നതിനായി ഞങ്ങളുടെ യാചനകൾ അത്യുന്നതന്റെ മുമ്പിൽ സമർപ്പിക്കണമെ . ദുഷ്ടജന്തുവും , പഴയ സർപ്പവുമായ സാത്താനേയും അവന്റെ കൂട്ടുകാരനേയും പിടിച്ചുകെട്ടി പാതാളത്തിൽ തള്ളിത്താഴ്ത്തണമെ . അവൻ ഇനിയൊരിക്കലും ഞങ്ങളുടെ വഴി തെറ്റിക്കാതിരിക്കട്ടെ , ഈശോമിശിഹായുടെ തിരുരക്തത്തിന്റെ അഭിഷേകം ഞങ്ങളിൽ ഇപ്പോൾ നിറയട്ടെ .
മരിയന്‍ ടൈംസിലെ ഇന്നത്തെ പ്രധാനപ്പെട്ട അപ്ഡേറ്റുകള്‍ താഴെ ലഭിക്കുന്നതാണ്.
