സൈലന്റ് നൈറ്റ് ക്രിസ്മസ് ഗാനത്തിന്റെ ഇരുനൂറാം വാര്‍ഷം ആഘോഷിച്ചു
ലോകപ്രസിദ്ധ ക്രിസ്മസ് ഗാനമായ സൈലന്റ് നൈറ്റ് ആദ്യമായി അവതരിക്കപ്പെട്ടിട്ട് 200 വര്‍ഷം പൂര്‍ത്തിയാകുന്ന ഈ വേളയില്‍ ആ ഗാനം പിറന്ന രാജ്യമായ ഓസ്ട്രിയ ആഘോഷങ്ങള്‍ സംഘടിപ്പിച്ചു. 1818 ല്‍ ഓസ്ട്രിയയിലെ ഒരു പട്ടണത്തിലാണ് ആദ്യമായി ആ ഗാനം ആലപിക്കപ്പെട്ടത്.
ഓസ്ട്രിയന്‍ സംസ്ഥാനമായ സാല്‍സ്ബര്‍ഗില്‍ പുരോഹിതനായിരുന്ന ജോസഫ് മോഹ്‌റാണ് ഈ ഗാനം എഴുതിയത്. പിന്നീട് ഒബേണ്‍ഡോര്‍ഫിലെ സംഗീതാധ്യാപകനായ ഫ്രാന്‍സ് ഗ്രൂബര്‍ ആ വരികള്‍ക്ക് ഈണമിട്ടു.
ഒന്നാം ലോകമഹായുദ്ധ കാലത്ത് 1914 ല്‍ ഫ്രഞ്ച്, ജര്‍മന്‍, ബ്രിട്ടീഷ് പട്ടാളക്കാര്‍ ഒരു ക്രിസ്മസ് ദിനത്തില്‍ യുദ്ധം നിറുത്തി വച്ച് സൈലന്റ് നൈറ്റ് ആലപിക്കുകയുണ്ടായി.
