ഇന്നത്തെ വിശുദ്ധൻ: കര്‍ഷകനായ വി. ഇസിഡോര്‍
May 15 -കര്‍ഷകനായ വി. ഇസിഡോര്‍
വി. ഇസിഡോര്‍ കര്‍ഷകരുടെയും ഗ്രാമീണ സമൂഹങ്ങളുടെയും മധ്യസ്ഥനാണ്. അതോടൊപ്പം അദ്ദേഹം മാഡ്രിഡിന്റെയും സ്‌പെയിനിന്റെയും മധ്യസ്ഥന്‍ കൂടിയാണ്. ചെറുപ്പത്തില്‍ തന്നെ അദ്ദേഹം മാഡ്രിഡിലെ ഒരു എസ്റ്റേറ്റില്‍ കര്‍ഷകജോലി ആരംഭിച്ചു. അദ്ദേഹത്തിന്റെ ഭാര്യയും സദ്ഗുണ സമ്പന്നയായിരുന്നു. മരിയ ഡി ല കബേസ എന്നു പേരുള്ള അവരും വിശുദ്ധയായി. സദാസമയവും ദൈവവുമായി ഐക്യത്തിലായിരിക്കാന്‍ ആഗ്രഹിച്ച ഇസിഡോര്‍ നിലം ഉഴുന്ന നേരത്തു പോലും മനസ്സു കൊണ്ട് പ്രാര്‍ത്ഥിച്ചിരുന്നു. പാവങ്ങളോട് അതിയായ സ്‌നേഹമുണ്ടായിരുന്ന ഇസിഡോര്‍ അവര്‍ക്ക് അത്ഭുതകരമായി ഭക്ഷണം എത്തിച്ച സംഭവവും ഉണ്ട്. ജീവജാലങ്ങളോടും അദ്ദേഹത്തിന് വലിയ സ്‌നേഹമുണ്ടായിരുന്നു. 1130 മെയ് 15 മരണമടഞ്ഞ ഇസിഡോര്‍ 1622 ന് വിശുദ്ധനായി പ്രഖ്യാപിക്കപ്പെട്ടു. മെയ് 15 നാണ് അദ്ദേഹത്തിന്റെ തിരുനാള്‍.
വി. ഇസിഡോര്‍, ഞങ്ങള്‍ക്കു വേണ്ടി അപേക്ഷിക്കണമേ
മരിയന്‍ ടൈംസിലെ ഇന്നത്തെ പ്രധാനപ്പെട്ട അപ്ഡേറ്റുകള്‍ താഴെ ലഭിക്കുന്നതാണ്.
