ഇന്നത്തെ വിശുദ്ധന്‍: സെവില്ലെയിലെ വി. ഇസിദോര്‍
കാര്‍ത്താജീന എന്ന സ്ഥലത്ത് വിശുദ്ധിയില്‍ ജീവിച്ചിരുന്ന ഒരു കുടുംബത്തില്‍ ജനിച്ച ഇസിഡോര്‍ ജീവിച്ചത് സ്‌പെയിന്‍ വലിയ സംഘര്‍ഷങ്ങളിലൂടെ കടന്നു പോയ കാലഘട്ടത്തിലാണ്. വിസിഗോത്തുകള്‍ വന്ന് സ്‌പെയിനിന്റെ പല ഭാഗങ്ങളും കൈയേറിയിരുന്നു. അങ്ങനെ സ്‌പെയിന്‍ വിശ്വാസപരമായി രണ്ടായി പിളര്‍ന്നു, ക്രിസ്തുവിനെ ദൈവമായി കണക്കാക്കാത്ത ഗോത്തുകളും റോമന്‍ കത്തോലിക്കരും. ഇസിദോര്‍ സെവില്ലെയിലെ മെത്രാനായി തീരുകയും സ്‌പെയിനിന്റെ സാംസ്‌കാരികവും വിദ്യാഭ്യാസപരവുമായ ഐക്യത്തില്‍ നിര്‍ണായക പങ്കു വഹിക്കുകയും ചെയ്തു. അപാരമായ പാണ്ഡിത്യമുണ്ടായിരുന്നു ഇസിദോര്‍ മധ്യകാലഘട്ടത്തിലെ അധ്യാപകന്‍ എന്നൊരു അപരനാമം പേറിയിരുന്നു. അദ്ദേഹം രചിച്ച വിജ്ഞാനകോശം പ്രസിദ്ധമാണ്. ലോക ചരിത്രം പോലും അദ്ദേഹം രചിച്ചു. ഇക്കാരണങ്ങളാല്‍ ഇന്റര്‍നെറ്റിന്റെ മധ്യസ്ഥനായി അദ്ദേഹത്തിന്റെ പേര് ഉയര്‍ന്നു കേള്‍ക്കുന്നുണ്ട്.
