ഇന്നത്തെ വിശുദ്ധന്‍: വി. ക്ലെമെന്റ് മേരി ഹോഫ്‌ബോര്‍
റിഡെംപ്റ്ററിസ്റ്റ് സഭയുടെ രണ്ടാം സ്ഥാപകന്‍ എന്ന് വിളിക്കാവുന്ന വിശുദ്ധനാണ് ക്ലെമെന്റ് മേരി. ആ സഭയെ ആല്‍പസ് പര്‍വതത്തിനപ്പുറത്തേക്ക് വളര്‍ത്തയത് അദ്ദേഹത്തിന്റെ പരിശ്രമങ്ങളാണ്. മൊറാവിയയില്‍ ഒരു ദരിദ്ര കുടുംബത്തില്‍ ജനിച്ച ജോണ്‍ ഒരു പുരോഹിതനാകാന്‍ ആഗ്രഹിച്ചെങ്കിലും പഠിക്കാന്‍ അദ്ദേഹത്തിന് പണമുണ്ടായിരുന്നില്ല. ദൈവപരിപാലനയിലൂടെ അദ്ദേഹത്തിന് ഒരു ആശ്രമത്തിലെ ബേക്കറിയില്‍ ജോലി ലഭിക്കുകയും അദ്ദേഹം ലത്തീന്‍ സ്‌കൂളിലെ പാഠങ്ങള്‍ ഹൃദിസ്ഥമാക്കുകയും ചെയ്തു. ചില സന്മസുള്ളവരുടെ സഹായത്താല്‍ റോമിലേക്ക് പോയി അദ്ദേഹം വി. അല്‍ഫോണ്‍സൂസ് ലിഗോരിയുടെ സഭയില്‍ ചേര്‍ന്നു. 1785 ല്‍ അദ്ദേഹം പുരോഹിതനായി. പില്‍ക്കാലത്ത് അദ്ദേഹത്തിന്റെ പ്രേഷിതപ്രവര്‍ത്തനങ്ങള്‍ വഴി വിയെന്നയുടെ അപ്പോസ്തലന്‍ എന്ന അപരനാമം അദ്ദേഹത്തിന് ലഭിച്ചു.
വി. ക്ലെമെന്റ് മേരി ഹോഫ്‌ബോര്‍, ഞങ്ങള്‍ക്കു വേണ്ടി അപേക്ഷിക്കണമേ
മരിയന്‍ ടൈംസിലെ ഇന്നത്തെ പ്രധാനപ്പെട്ട അപ്ഡേറ്റുകള്‍ താഴെ ലഭിക്കുന്നതാണ്
