സഹിക്കുന്നവരുടെ കൂടെ ആയിരിക്കുക എന്ന് ഫ്രാന്‍സിസ് പാപ്പാ
സഹനവേളകളില്‍ സകലരുടെയും ചാരെ ആയിരിക്കാന്‍ യേശു നമ്മെ ആഹ്വാനം ചെയ്യുന്നുവെന്ന് മാര്‍പ്പാപ്പാ. തന്റെ പുതിയ ചാക്രികലേഖനമായ ‘ഫ്രത്തേല്ലി തൂത്തി’ (FratelliTutti) എന്ന ഹാഷ്ടാഗോടുകൂടി വെള്ളിയാഴ്ച പ്രസിദ്ധീകരിച്ച ട്വിറ്റര്‍ സന്ദേശത്തിലാണ് ഫ്രാന്‍സീസ് പാപ്പാ ഈ ചിന്ത പങ്കുവച്ചിരിക്കുന്നത്.
‘സകലവിധ വിത്യാസങ്ങളും മാറ്റിവയ്ക്കാനും, സഹനത്തിനു മുന്നില്‍ ചോദ്യങ്ങളൊന്നും ഉന്നയിക്കാതെ, അപരന്റെ ചാരെ ആയിരിക്കാനും യേശു നമ്മെ ആഹ്വാനം ചെയ്യുന്നു ഫ്രത്തേല്ലി തൂത്തി’ എന്നാണ് പാപ്പാ ട്വിറ്ററില്‍ കുറിച്ചത്.
വിവിധഭാഷകളിലായി 4 കോടിയിലേറെവരുന്ന ട്വിറ്റര്‍ അനുയായികളുള്ള പാപ്പാ അയക്കുന്ന ട്വിറ്റര്‍സന്ദേശങ്ങള്‍, സാധാരണയായി, അറബി, ലത്തീന്‍, ജര്‍മ്മന്‍, ഇറ്റാലിയന്‍, ഇംഗ്‌ളീഷ്, സ്പാനിഷ്, പോളിഷ്, പോര്‍ച്ചുഗീസ്, ഫ്രഞ്ച്, എന്നിങ്ങനെ 9 ഭാഷകളില്‍ ലഭ്യമാണ്.
മരിയന്‍ ടൈംസിലെ ഇന്നത്തെ പ്രധാനപ്പെട്ട അപ്ഡേറ്റുകള്‍ താഴെ ലഭിക്കുന്നതാണ്.
