എല്ലാവര്‍ക്കും ചികിത്സ ലഭ്യമാക്കുവാന്‍ ശിശുരോഗവിദഗ്ദരോട് മാര്‍പാപ്പ
വത്തിക്കാന്‍ സിറ്റി: സാംസ്‌കാരിക ഐക്യം പ്രോത്സാഹിപ്പിക്കാനും ആരെയും ഒഴിവാക്കാതെ എല്ലാവര്‍ക്കും രോഗചികിത്സ ലഭ്യമാക്കാനും ഫ്രാന്‍സിസ് പാപ്പാ ശിശുരോഗവിദഗ്ദരെ ആഹ്വാനം ചെയ്തു. വത്തിക്കാനില്‍ വച്ച് ഇറ്റാലിയന്‍ ഫെഡറേഷന്‍ ഓഫ് പ്രൈമറി കെയര്‍ പീഡിയാട്രീഷ്യന്‍സുമായി നടത്തിയ കൂടിക്കാഴ്ചയിലാണ് പാപ്പാ ഇങ്ങനെ പറഞ്ഞത്.
നമ്മുടെ കാലഘട്ടത്തില്‍ ഒരു നിശ്ചിത ജീവിതനിലവാരവും സാമ്പത്തിക സ്ഥിതിയും ഉള്ളവര്‍ക്ക് മാത്രമാണ് നല്ല ചികിത്സ ലഭ്യമാകുന്നത്. എന്നാല്‍, ഞാന്‍ നിങ്ങളോട് പറയുന്നു, എല്ലാവര്‍ക്കും രോഗം വരുന്നത് തടയാനുള്ള പ്രതിരോധമാര്‍ഗങ്ങള്‍ ഉറപ്പുവരുത്തുക, പാപ്പാ പറഞ്ഞു.
യേശു രോഗികളെ സുഖപ്പെടുത്തുന്ന സുവിശേഷഭാഗങ്ങള്‍ കൂടെക്കൂടെ വായിച്ച് ധ്യാനിക്കാന്‍ പാപ്പാ ശിശുരോഗവിദഗ്ദരോട് ആവശ്യപ്പെട്ടു. ഇത് തീര്‍ച്ചയായും അവര്‍ക്ക് പ്രചോദനം നല്‍കുമെന്നും പാപ്പാ പറഞ്ഞു.
