പരിശുദ്ധ കുര്‍ബാനയിലുള്ളത് നമ്മെ രക്ഷിച്ച അതേ യേശുവാണ്: ഫ്രാന്‍സിസ് പാപ്പാ
വത്തിക്കാന്‍ സിറ്റി: ലോകത്തിന്റെ രക്ഷയ്ക്കു വേണ്ടിയാണ് യേശു പരിശുദ്ധ കുര്‍ബാന സ്ഥാപിച്ചതെന്ന് ഫ്രാന്‍സിസ് പാപ്പാ.
യേശുവിന്റെ അസ്തിത്വത്തിന്റെ ആകെത്തുകയാണ് പരിശുദ്ധ കുര്‍ബാന. പിതാവിനോടും അവിടുത്തെ സഹോദരന്മാരായ നമ്മോടുമുള്ള യേശുവിന്റെ സ്‌നേഹമാണ് ഇതില്‍ പ്രകടമാകുന്നത്. ലോകത്തിന്റെ രക്ഷയ്ക്കായി നല്‍കപ്പെട്ട മഹത്തരമായ കൂദാശയാണ് പരിശുദ്ധ കുര്‍ബാന, പാപ്പാ വിശദീകരിച്ചു.
പരിശുദ്ധ കുര്‍ബാനയിലുള്ള യേശുക്രിസ്തുവിന്റെ യാഥാര്‍ത്ഥ സാന്നിധ്യത്തില്‍ വിശ്വസിച്ചു കൊണ്ട് ശ്രദ്ധ കേന്ദ്രീകരിക്കാന്‍ യേശു നമ്മെ ക്ഷണിക്കുന്നു. അലസമായല്ല, നിറഞ്ഞ നന്ദിയോടെ വേണം നാം കുര്‍ബാനയി്ല്‍ പങ്കുകൊള്ളുകയും ദിവ്യകാരുണ്യം സ്വീകരിക്കുകയും ചെയ്യേണ്ടതെന്ന് പരിശുദ്ധ പിതാവ് ഓര്‍മിപ്പിച്ചു.
പരിശുദ്ധ കുര്‍ബാനയിലുള്ളത് നമ്മെ രക്ഷിച്ച അതേ യേശുവാണ്. നമുക്ക് ജീവിക്കാന്‍ ശക്തി നല്‍കിയ അതേ യേശു, പാപ്പാ പറഞ്ഞു.
മരിയന്‍ ടൈംസിലെ ഇന്നത്തെ പ്രധാനപ്പെട്ട അപ്ഡേറ്റുകള്‍ താഴെ ലഭിക്കുന്നതാണ്.
