മാര്‍പാപ്പാ ഓര്‍ത്തഡോക്‌സ് പാത്രിയര്‍ക്കീസിന് വി. പത്രോസിന്റെ അസ്ഥികള്‍ സമ്മാനിച്ചു
വത്തിക്കാന്‍ സിറ്റി: സഭൈക്യത്തിന്റെ പ്രതീകമായി ഫ്രാന്‍സിസ് പാപ്പാ വി. പത്രോസിന്റെ അസ്ഥികള്‍ എന്നു കരുതപ്പെടുന്ന തിരുശേഷിപ്പ് ഓര്‍ത്തഡോക്‌സ് പാത്രീയര്‍ക്കീസ് ബാര്‍ത്തലോമിയക്കു സമ്മാനിച്ചു.
1952 ല്‍ സെന്റ് പീറ്റേഴ്‌സ് ബസിലിക്ക ഖനനം ചെയ്തപ്പോള്‍ കണ്ടെത്തിയ എട്ട് അസ്ഥികളുടെ തിരുശേശിപ്പുകള്‍ പോള്‍ ആറാമന്‍ പാപ്പാ പേപ്പല്‍ വസതിയില്‍ സൂക്ഷിച്ചിരുന്നു. ഇവിടെ നിന്നാണ് ഫ്രാന്‍സിസ് പാപ്പാ തിരുശേഷിപ്പ് എടുത്ത് ഓര്‍ത്തഡോക്‌സ് പാത്രിയര്‍ക്കീസിന് സമ്മാനിച്ചത്.
ജൂണ്‍ 29 ന് വി. പത്രോസിന്റെയും പൗലോസിന്റെയും തിരുനാള്‍ ദിനത്തില്‍ വത്തിക്കാനില്‍ കോണ്‍സ്റ്റാന്റിനോപ്പിളിലെ സഭൈക്യ പാത്രിയാര്‍ക്കേറ്റിന്റെ പ്രതിനിധികള്‍ എത്തിയിരുന്നു.
