‘പാവങ്ങള്‍ക്ക് ഹൃദയത്തില്‍ സ്ഥാനം കൊടുക്കൂ!’ ഫ്രാന്‍സിസ് പാപ്പാ
വത്തിക്കാന്‍ സിറ്റി: വിറളി പിടിച്ചതു പോലെ തിരക്കു പിടിച്ച് ഓടുന്ന ആധുനിക ലോകം പാവങ്ങളെയും ഏറ്റവും ദുര്‍ബലരെയും അഗണിക്കുന്നുവെന്ന് ഫ്രാന്‍സിസ് പാപ്പാ.
‘നമ്മുടെ ഹൃദയങ്ങളില്‍ പാവങ്ങള്‍ക്ക് സ്ഥാനമുണ്ടായിരുന്നെങ്കില്‍ എത്ര നന്നായിരുന്നു. ദൈവഹൃദയത്തില്‍ സ്ഥലം സ്വന്തമാക്കിയവരാണ് അവര്‍’ പാപ്പാ ദിവ്യബലി മധ്യേ പറഞ്ഞു.
‘എല്ലാം നേടിയെടുക്കാന്‍ വേണ്ടിയുള്ള വിറളി പിടിച്ച ഓട്ടത്തിനിടയില്‍ പിന്നിലായിപ്പോകുന്നവരെ ശല്യമായി കാണുന്ന സംസ്‌കാരമാണിത്. അവരെ ഒഴിവാക്കാവുന്ന പാഴ് വസ്തുക്കളായി കണക്കാക്കുന്നു. എത്രയെത്ര വൃദ്ധരും അജാതരും വൈകല്യമുള്ളവരും പാവങ്ങളുമാണ് ഇന്ന് ഉപയോഗ ശൂന്യരായി വലിച്ചെറിയപ്പെടുന്നത്’ പാപ്പാ വിലപിച്ചു.
ഇത്തരം യഥാര്‍ത്ഥ്യങ്ങളുടെ മധ്യേ ഒരു കാര്യം നമ്മെ ഓര്‍മിപ്പിക്കാന്‍ ദൈവം ആഗ്രഹിക്കുന്നു. പരമമായ ഒരു കാര്യം. സ്‌നേഹം മാത്രമേ അവശേഷിക്കാന്‍ പോകുന്നുള്ളൂ! കാരണം ദൈവം സ്‌നേഹമാണ്. പാപ്പാ പറഞ്ഞു.
മരിയന്‍ ടൈംസിലെ ഇന്നത്തെ പ്രധാനപ്പെട്ട അപ്ഡേറ്റുകള്‍ താഴെ ലഭിക്കുന്നതാണ്.
