ഡോക്ടര്‍മാര്‍ക്കായി കോവിഡ് സംരക്ഷണ ഗൗണുകള്‍ തയ്യാറാക്കി ബെംഗളുരുവിലെ കന്യാസ്ത്രീകള്‍
ഭുവനേശ്വര്‍: ബെംഗളുരുവിലുള്ള സെന്റ് ജോണ്‍സ് ഹോസ്പിറ്റലില്‍ കോവിഡിനെതിരെ പോരാടുന്ന ഡോക്ടര്‍മാര്‍ക്ക് സംരക്ഷണ ഗൗണുകള്‍ തുന്നുന്ന തിരക്കിലാണ് ഒരു സംഘം കന്യാസത്രീകള്‍. അപ്പസ്‌തോലിക്ക് കാര്‍മെല്‍ സന്ന്യാസ സഭയിലെ കന്യാസ്ത്രീകളാണ് ഈ സദ്പ്രവര്‍ത്തിയില്‍ ഏര്‍പ്പെട്ടിരിക്കുന്നത്.
100 സംരക്ഷണ ഗൗണുകളാണ് കന്യാസ്ത്രീകള്‍ ലക്ഷ്യം വയ്ക്കുന്നത്. ഇതുവരെ 70 ഗൗണുകള്‍ തയ്യാറായി കഴിഞ്ഞു.
ഗൗണ്‍ നിര്‍മിക്കാനാവശ്യമായ മെറ്റീരിയല്‍ നല്‍കുന്നത് സെന്റ് ജോണ്‍സ് ആശുപത്രിയാണ്. കൊറോണ വൈറസ് മൂലം ഇപ്പോള്‍ അടച്ചിട്ടിരിക്കുന്ന കമ്മ്യൂണിറ്റി കോളേജിന്റെ സാമഗ്രികളാണ് ഗൗണ്‍ നിര്‍മിക്കാന്‍ സിസ്‌റ്റേഴ്‌സ് ഉപയോഗിക്കുന്നത്.
