കൊറിയന്‍ ഏകാധിപതി കിമ്മിന് മാര്‍പാപ്പയെ കാണാന്‍ ആഗ്രഹം
സിയോള്‍: ഉത്തര കൊറിയന്‍ ഏകാധിപതി കിം യോം ഉന്‍ ഫ്രാന്‍സിസ് പാപ്പായെ ഒരു കൂടിക്കാഴ്ചയ്ക്ക് ക്ഷണിച്ചതായി വാര്‍ത്ത. പ്യോംയാങില്‍ വച്ച് കൂട്ടിക്കാഴ്ച നടത്താനാണ് പദ്ധതിയെന്ന ദക്ഷിണ കൊറിയന്‍ വക്താവ് അറിയിച്ചു.
ഒക്ടോബര്‍ 18 ന് ദക്ഷിണ കൊറിയന്‍ പ്രസിഡന്റ് മൂന്‍ ജേ ഇന്നുമായി വത്തിക്കാന്‍ അപ്പസ്‌തോലിക കൊട്ടാരത്തില്‍ വച്ച് ഫ്രാന്‍സിസ് പാപ്പാ കൂടിക്കാഴ്ച നടത്തുന്നുണ്ട്. തദവസരത്തില്‍ കിമ്മിന്റെ ക്ഷണം നേരിട്ട് മാര്‍പാപ്പയ്ക്ക് മൂന്‍ ജേ കൈമാറും എന്നും വക്താവ് അറിയിച്ചു
കത്തോലിക്കനായ ദക്ഷിണ കൊറിയന്‍ പ്രസിഡന്റ് മൂന്‍ ഒക്ടോബര്‍ 17 ന് സെന്റ് പീറ്റേഴ്‌സ് ബസിലിക്കയില്‍ വച്ചു നടക്കുന്ന ദിവ്യബലിയില്‍ പങ്കുകൊള്ളും.
ഈ അടുത്ത ദിവസങ്ങളില്‍ കൊറിയന്‍ നേതാക്കള്‍ തമ്മില്‍ നടന്ന ഉച്ചകോടിയില്‍, താന്‍ മാര്‍പാപ്പയെ കാണാന്‍ അതിയായി ആഗ്രഹിക്കുന്നതായി കിം വ്യക്തമാക്കിയിരുന്നു.
