മൊസുള്‍ കത്തീഡ്രല്‍ 2020ല്‍ പുനര്‍നിര്‍മിക്കും
മൊസുള്‍: ഇറാക്കില്‍ ഏറ്റവും കൂടുതല്‍ ക്രിസ്ത്യാനികള്‍ വസിക്കുന്ന മൊസുള്‍ പട്ടണത്തിലെ അല്‍ താഹിറ ഇമ്മാക്കുലേറ്റ് കണ്‍സെപ്ഷന്‍ കത്തീഡ്രല്‍ 2020 ല്‍ പുനര്‍നിര്‍മിക്കും. അഞ്ചു വര്‍ഷം മുമ്പ് ഇസ്ലാമിക്ക് സ്റ്റേറ്റ് തീവ്രവാദികള്‍ അഗ്നിക്കിരയാക്കിയതാണ് ഈ ബസിലിക്ക.
‘ ഈ ദേവാലയം വളരെ പ്രധാനപ്പെട്ടതായിരുന്നു. ജനങ്ങളുടെ സംഭാവന കൊണ്ടാണ് അത് നിര്‍മച്ചിരുന്നത്. ജനങ്ങളാകട്ടെ പ്രധാനമായും കര്‍ഷകരായിരുന്നു’ ബാക്ക്ദിദ ഇടവകയിലെ വൈദകിന്‍ ഫാ. ജോര്‍ജസ് ജഹോല പറഞ്ഞു.
മൊസുളില്‍ നിന്ന് 20 മൈല്‍ ദൂരെയാണ് ബാക്ക്ദിദ സ്ഥിഥി ചെയ്യുന്നത് ഖരോഖോഷ് എന്നും ഈ സ്ഥലം അറിയപ്പെടുന്നു.
ഇറാക്കിലെ നിനവേ സമതലങ്ങളില്‍ സ്ഥിതി ചെയ്യുന്ന കത്തീഡ്രല്‍ 1932 – 48 കാലയളവിലാണ് നിര്‍മിച്ചത്. ഓരോ വര്‍ഷവും കൊയ്ത്തില്‍ നിന്നു കിട്ടിയ പണം കര്‍ഷകരായ നാട്ടുകാര്‍ പള്ളിപണിക്കായി സംഭാവന ചെയ്യുകയായിരുന്നു.
