പരിശുദ്ധ അമ്മയുടെ തിരുനാമത്തിന്റെ തിരുനാള്‍
September 12 – പരിശുദ്ധ അമ്മയുടെ തിരുനാമത്തിന്റെ തിരുനാള്‍
യേശുവിന്റെ തിരുനാമം പോലെ പാവനും കത്തോലിക്കര്‍ക്ക് പ്രിയപ്പെട്ടതുമാണ് പരിശുദ്ധ മാതാവിന്റെ തിരുനാമം. 1513 ല്‍ സ്‌പെയിനിലാണ് പരിശുദ്ധ മാതാവിന്റെ തിരുനാളാഘോഷം തുടങ്ങിയത്. 1671 ല്‍ ഈ ഭക്തി സ്‌പെയിനിലെമ്പാടും വ്യാപിച്ചു. 1683 ല്‍ പോളണ്ടിലെ രാജാവായ ജോണ്‍ സോബീസ്‌കി കോണ്‍സ്റ്റാന്റിനോപ്പിളിലെ മൊഹമ്മദ് നാലാമനുമായുണ്ടായ യുദ്ധത്തില്‍ തന്റെ സൈനികരെ പരിശുദ്ധ അമ്മയുടെ സംരക്ഷണയില്‍ സമര്‍പ്പിച്ചുവെന്നും തല്ഫലമായി അവര്‍ വിജയിച്ചുവെന്നും ചരിത്രം. ഇന്നസെന്റ് നാലാമന്‍ പാപ്പയാണ് സാര്‍വത്രിക സഭയുടെ തിരുനാളായി ഇത് പ്രഖ്യാപിച്ചത്. പരിശുദ്ധ അമ്മ എപ്പോഴും ദൈവത്തിന്റെ നേര്‍ക്ക് വിരല്‍ ചൂണ്ടുന്നവളാണ്. ദൈവത്തിന്റെ നന്മയുടെ നേര്‍ക്ക് നമ്മെ നയിക്കുന്ന അമ്മയുടെ തിരുനാമം നമുക്ക് വാഴ്ത്താം.
പരിശുദ്ധ അമ്മയുടെ തിരുനാമമേ, ഞങ്ങള്‍ക്കു വേണ്ടി അപേക്ഷിക്കണമേ.
മരിയന്‍ ടൈംസിലെ ഇന്നത്തെ പ്രധാനപ്പെട്ട അപ്ഡേറ്റുകള്‍ താഴെ ലഭിക്കുന്നതാണ്.
