ദയാവധം കുറ്റകരമല്ലാതാക്കിയതിനെ എതിര്‍ത്ത് പോര്‍ച്ചുഗലിലെ ഡോക്ടമാരും മെത്രാന്മാരും
ലിസ്ബണ്‍: ദയാവധം കുറ്റകരമല്ലാതാക്കി കൊണ്ട് പുതിയ നിയമം നടപ്പില്‍ വരുത്തുന്ന പോര്‍ച്ചുഗീസ് നിയമസഭയുടെ ശ്രമത്തിനെതിരായ പോരാട്ടത്തില്‍ മെത്രാന്മാരെ പിന്തുണച്ച് ഡോക്ടര്‍മാരും. അഞ്ചു ബില്ലുകളാണ് ഫെബ്രുവരി 20 ന് പോര്‍ച്ചുഗീസ് നിയമസഭയില്‍ അംഗീകാരം നേടിയത്.
‘ദയാവധത്തിന് പകരം നല്‍കാവുന്ന ഏറ്റവും അന്തസുള്ള രീതി പാലിയേറ്റീവ് കെയറാണ്. സ്വാഭാവികമായി അവസാനിക്കുന്നതു വരെ മനുഷ്യജീവനെ നാം ആദരിക്കുകയും ശുശ്രൂഷിക്കുകയും വേണം’ പോര്‍ച്ചുഗീസ് മെത്രാന്‍ സമിതി പ്രസ്താവിച്ചു.
ഈ നിയമനിര്‍മാണം മെഡിക്കല്‍ പ്രൊഫഷന്റെ കാതലായ തത്വങ്ങള്‍ ലംഘിക്കുന്നതാണെന്ന് പോര്‍ച്ചുഗീസ് ഡോക്ടേഴ്‌സ് അസോസിയേഷന്‍ പ്രസ്താവിച്ചു. ‘രോഗികളെ ചികിത്സിക്കാനും ജീവന്‍ രക്ഷിക്കാനുമാണ് ഡോക്ടര്‍മാര്‍ പഠിക്കുന്നത്. മരണത്തിലേക്ക് നയിക്കുന്ന പ്രക്രിയകളുടെ ഭാഗമാകാന്‍ അവര്‍ക്കാവില്ല’ ഡോക്ടേഴ്‌സ് അസോസിയേഷന്‍ പ്രസിഡന്റ് മുഗുവേല്‍ ഗൈവമരേസ് പറഞ്ഞു.
ബെല്‍ജിയം, ലക്‌സംബര്‍ഗ്, കൊളംബിയ, കാനഡ, നെതര്‍ലന്‍ഡ്‌സ് തുടങ്ങിയ രാജ്യങ്ങളിലും ആസ്‌ട്രേലിയയിലെ വിക്ടോറിയ സ്‌റ്റേറ്റിലും ദയാവധവും അസിസ്റ്റഡ് സൂയിസൈഡും നിയമപരമാണിപ്പോള്‍.
