ദുരിതത്തിലും ദുഃഖമില്ലാതെ…

ജീവിതത്തിൻ്റെ പച്ചയായ യാഥാർത്ഥ്യങ്ങളിൽ ചിലർ സ്വീകരിക്കുന്ന ആത്മീയ നിലപാടുകൾ വല്ലാതെ അത്ഭുതപ്പെടുത്താറുണ്ട്.
ചില കൃപകൾക്ക് ദൈവം അത്രയൊന്നും സുഖകരമല്ലാത്ത പുറംചട്ടകൾ കൊണ്ട് മറയിടാറുണ്ടാവാം.

ജീവിതത്തിൻ്റെ ദുരിത വഴിത്താരയിൽ എവിടെയോ എവിടെയോ വച്ച് ഈ സത്യം വെളിപ്പെട്ടു കിട്ടിയതുകൊണ്ടാവാം…,
നിര തീർത്ത നീറുന്ന സഹനങ്ങളുടെ നടുവിലും ജോബ് ഇങ്ങനെ പറയുന്നത്
“എനിക്ക് ന്യായം നടത്തിത്തരുന്നവൻ
ജീവിക്കുന്നെന്നും അവസാനം അവിടുന്ന് എനിക്ക് വേണ്ടി നിലകൊള്ളുമെന്നും ഞാൻ അറിയുന്നു.”
(ജോബ് 19 :25)

ആശ്വസിക്കാൻ ഒരു കണിക പോലും ബാക്കിയില്ല ജീവിതത്തിൽ. എന്നിട്ടും വിശ്വാസത്തിൻ്റെ വല്ലാത്തൊരു ബലമുണ്ടിവിടെ….

ഏതൊരു ദുരന്തത്തിനും ഒരുവൻ്റെയുള്ളിലെ നന്മയുടെ പ്രകാശം ഊതിക്കെടുത്താനാവാത്ത വിധം ദൈവം മുദ്രവച്ചു കൊടുക്കുന്ന അതിജീവനത്തിൻ്റെ കൃപ .

നീറുന്ന സഹനങ്ങൾക്ക് നടുവിൽ നിന്ന് ദൈവത്തെ നോക്കി,
ദൈവമേ, എനിക്ക് ഇത്രയധികം സഹനങ്ങളുണ്ട് എന്ന് പറയുന്നതല്ല, മറിച്ച്
ആ സഹനങ്ങളെ നോക്കി,
സഹനങ്ങളേ നിങ്ങൾക്കെന്നെ തളർത്താനാവില്ല, ഇതിനെല്ലാം ഉത്തരമുള്ള ഒരു ദൈവം എനിക്ക് കാവലുണ്ട് എന്നു പറയുന്നതാണ് വിശ്വാസം.

~ Jincy Santhosh ~

മരിയന്‍ ടൈംസിലെ ഇന്നത്തെ പ്രധാനപ്പെട്ട അപ്ഡേറ്റുകള്‍ താഴെ ലഭിക്കുന്നതാണ്.