കൊറോണയ്ക്കിടെ കത്തോലിക്കാ ഭൂവുടമ 200 പേരുടെ വാടക വേണ്ടെന്നു വച്ചു
ബ്രൂക്ക്‌ലിന്‍: കൊറോണ വൈറസ് കാലം മനുഷ്യരുടെ സന്മനസ്സും ദയവും കൂടി വെളിപ്പെടുത്തുന്ന കാലമായി മാറിയിരിക്കുന്നു. ബ്രൂക്ക്‌ലിനിലെ ഒരു കത്തോലിക്കനായ ഭൂവുടമയാണ് സ്ഥലം വാടകയ്ക്ക് എടുത്തിരിക്കുന്ന 200 പേരുടെ വാടക വേണ്ടെന്നു വച്ചത്.
‘അവരോട് വിഷമിക്കേണ്ട എന്നു ഞാന്‍ പറഞ്ഞു. എന്തായാലും ഞാനും അവരും എല്ലാം ഒരേ അവസ്ഥയിലൂടെയാണല്ലോ കടന്നു പോകുന്നത്.’ ഭൂവുടമയായ മാരിയോ സലെര്‍നോ പറഞ്ഞു.
‘ഈ തീരുമാനം സ്വീകരിക്കാന്‍ എന്നെ പ്രേരിപ്പിച്ചത് എന്റെ കത്തോലിക്കാ വിശ്വാസമാണ്. എല്ലാ ദിവസവും ഞാന്‍ പ്രാര്‍ത്ഥിക്കാറുണ്ട്. ഈ ക്വാറന്റൈന്‍ സമയത്ത് അധികസമയം ലഭിക്കുമ്പോള്‍ ഈ നശീകരണ വൈറസിനെ കീഴടക്കണമേ എന്ന് ഞാന്‍ നല്ലവനായ ദൈവത്തോട് പ്രാര്‍ത്ഥിക്കാറുണ്ട്’ മാരിയോ പറഞ്ഞു.
59 കാരനായ സലെര്‍നോയ്ക്ക് സ്വന്തമായി ഒരു മെക്കാനിക്ക് കടയും ഗ്യാസ് സ്‌റ്റേഷനും ഓട്ടോ ബോഡി ഷോപ്പുമുണ്ട്. അത് കൂടാതെ ബ്രൂക്ക്‌ലിനില്‍ 80 അപ്പാര്‍ട്‌മെന്റുകളും അദ്ദേഹത്തിന് സ്വന്തമായുണ്ട്. അദ്ദേഹത്തിന്റെ വാടക്കകാര്‍ക്ക് പലര്‍ക്കും ജോലി നഷ്ടമായി.
