പരിശുദ്ധാത്മാവിന്റെ പ്രതീകം ദൈവത്തിന്റെ വിരല്‍

ദൈവത്തിന്റെ വിരല്‍

യേശു ഒരു ഊാമനില്‍ നിന്ന് പിശാചിനെ പുറത്താക്കിയതിനേപ്പറ്റിയുള്ള ജനങ്ങളുടെ പ്രതികരണം വ്യത്യസ്തങ്ങളായിരുന്നു. അപ്പോള്‍ അവിടുന്ന് താവ രോടു പറഞ്ഞു: ‘ദൈവത്തിന്റെ വിരല്‍’ കൊണ്ടാണ് ഞാന്‍ പിശാചുക്കളെ പുറത്താക്കുന്നതെങ്കില്‍ ദൈവരാജ്യം നിങ്ങളുടെയിടയില്‍ വന്നു കഴിഞ്ഞു (ലൂക്ക 11. 20). പഴയ നിയമത്തില്‍ വം മോശയ്ക്ക് നല്‍കിയ നിയമങ്ങള്‍, തന്റെ വിരല്‍ കൊണ്ടെഴുതിയ രണ്ട് കല്പലകകളില്‍ ( പുറ 31.18 ) ആയിരുന്നെന്ന് പുറപ്പാട് പുസ്തകത്തില്‍ പറയുന്നുണ്ട്.

പുതിയ നിയമത്തിലാകട്ടെ , കോറിന്തോസുകാര്‍ക്കുള്ള ലേഖനത്തില്‍ വിശുദ്ധ പൗലോസ് , ‘മഷി കൊണ്ടല്ല . ജീവിക്കുന്ന ദൈവത്തിന്റെ ആവ് കൊണ്ട് കല്പലകകളിലല്ല . മനുഷ്യരുടെ ഹൃദയ ഫലകങ്ങളില്‍ ഞങ്ങളുടെ ശുശ്രൂഷ വഴി എഴുതപ്പെട്ട ക്രിസ്തുവിന്റെ ലിഖിതമാണ് നിങ്ങള്‍ (2 കോറി 3 : 3) എന്ന് അവരെ അനുസ്മരിപ്പിക്കുന്നു .

സ്രഷ്ടാവായ പരിശുദ്ധാത്മാവേ എഴുന്നള്ളി വരണമേ’ ( Veni Creator Spiritus ) എന്ന ലോകപ്രശസ്തമായ ഗീതത്തില്‍ ദൈവപിതാവിന്റെ വലതു കൈയുടെ വിരലാണ് പരിശുദ്ധാത്മാവ് എന്ന സൂചനയുണ്ട്. ‘ ഈ പ്രതീകമാണ് വത്തിക്കാനിലെ സിസ്‌റ്റൈന്‍ ചാപ്പലിലുള്ള മനോഹരമായ സൃഷ്ടിയുടെ ചിത്രത്തില്‍ ദൈവം ആദ്യമനുഷ്യനായ ആദത്തെ തന്റെ വലതുകയ്യിലെ ചുണ്ടു വിരല്‍ കൊണ്ട് സ്പര്‍ശിക്കുന്നതായി ചിത്രീകരിക്കാന്‍ മൈക്കലാഞ്ചലോയെ പ്രേരിപ്പിച്ചത്. അതുവഴി ആദത്തിന് ദൈവം ജീവന്‍ പകരുന്നതായി കലാ കാരന്‍ അവതരിപ്പിക്കുന്നു .