ഫ്രാന്സിസ് പാപ്പായ്ക്ക് ഇന്ന് 83 ാം പിറന്നാള്
ആഗോള കത്തോലിക്കാ സഭയുടെ തലവന് ഫ്രാന്സിസ് പാപ്പായ്ക്ക് ഇന്ന് 83 ാം പിറന്നാള്!
1936 ഡിംസംബര് 17 ന് ബ്യുവനോസ് ഐറിസിന് സമീപത്തുള്ള ഫ്ളോറസിലാണ് ജോര്ജ് മരിയോ ബെര്ഗോളിയോ ജനിച്ചത്. മരിയോ ജോസ് ബെര്ഗോളിയോയുടെ മക്കളില് മൂത്തവനായിട്ടായിരുന്നു ജോര്ജിന്റെ ജനനം. റെജീന സിവോരി ആയിരുന്നു മാതാവ്. ബെനിറ്റോ മുസ്സോളിനിയുടെ കിരാതഭരണ കാലത്ത് ഇറ്റലി വിട്ടു പോയവരായിരുന്നു മരിയോ ജോസിന്റെ കുടുംബം.
ഒരു കുമ്പസാരമാണ് ജോര്ജിന്റെ ജീവിതത്തില് പ്രചോദനമായത്. 1958 മാര്ച്ച് 11 ന് അദ്ദേഹം ഈശോ സഭാ സെമിനാരിയില് ചേര്ന്നു. 1969 ഡിസംബര് 13ാം തീയതി അദ്ദേഹം വൈദികനായി അഭിഷിക്തനായി.
1993 ല് ബുവനോസ് ഐറിസിലെ സഹായമെത്രാനായും അതേ വര്ഷം ജൂണ് 22 ല് ഔക്കയിലെ സ്ഥാനിക മെത്രാനായും അദ്ദേഹം നിയമിതനായി. 2001 ഫെബ്രുവരി 21 ന് അദ്ദേഹം കര്ദനാളായി ഉയര്ത്തപ്പെട്ടു. ദൈവനിയോഗം പോലെ 2013 മാര്ച്ച് 13 ന് 76 ാം വയസ്സില് ഫ്രാന്സിസ് പാപ്പാ എന്ന പേര് സ്വീകരിച്ച് അദ്ദേഹം ആഗോള കത്തോലിക്കാ സഭയുടെ തലവനായി.