കൊറോണക്കാലത്ത് ജര്‍മന്‍ സെമിനാരി പാവങ്ങള്‍ക്ക് അഭയമായി
കൊളോണ്‍: അതിവേഗം പടരുന്ന കൊറോണ വൈറസ് കാലത്ത് തെരുവുകളില്‍ ജീവിക്കുന്നവും വീടില്ലാത്തവരുമാണ് ഏറ്റവും കൂടുതല്‍ പ്രയാസം അനുഭവിക്കുന്നത്. കൊളോണിലെ കര്‍ദിനാള്‍ റെയിനര്‍ മരിയ വോള്‍ക്കി അതിരൂപത സെമനിനാരി പാവങ്ങള്‍ക്ക് ഭക്ഷണവും കിടപ്പാടവും ഒരുക്കുന്നതിനായി തുറന്നു കൊടുത്തു.
നവീകരണ പ്രവര്‍ത്തനങ്ങള്‍ നടക്കുന്നതിനാല്‍ സെമിനാരി ഭാഗികമായി അടിച്ചിട്ടിരിക്കുകയായിരുന്നു. സെമിനാരി വിദ്യാര്‍ത്ഥികളെല്ലാവരും കൊറോണയുടെ പശ്ചാത്തലത്തില്‍ അവരവരുടെ വീടുകളിലേക്ക് പോയിരിക്കുകയാണ്. ഈ സാഹചര്യത്തിലാണ് കര്‍ദിനാള്‍ സെമിനാരി പാവങ്ങള്‍ക്കായി തുറന്നു കൊടുത്തത്.
‘ഈ കൊറോണക്കാലത്ത് ആരും ആശ്രയം നല്‍കാത്തവര്‍ക്കു വേണ്ടി ഈ സെമിനാരി ഞങ്ങള്‍ തുറന്നു കൊടുക്കുന്നു. ചൂടുള്ള ഭക്ഷണവും വിശ്രമമുറികളും കുളിക്കാന്‍ സൗകര്യവും ഇവിടെയുണ്ട്.’ കര്‍ദിനാള്‍ പറഞ്ഞു.
