ഇന്നത്തെ വിശുദ്ധ: വാഴ്ത്തപ്പെട്ട മേരി റോസ് ഡുറോഷര്‍
1811 ല്‍ കാനഡയിലെ മോന്‍ട്രിയാലിന് സമീപമുള്ള ഒരു ഗ്രാമത്തിലാണ് മേരി റോസ് ജനിച്ചത്. കൗമാരപ്രായത്തില്‍ തന്നെ കുതിരയോടിച്ചിരുന്ന മരിയ ആണ്‍കുട്ടികളുടെ പോലെ കരുത്തയും ധീരയുമായിരുന്നു. 16 വയസ്സുള്ളപ്പോള്‍ സന്ന്യാസ സഭയില്‍ ചേരാന്‍ അവള്‍ ആഗ്രഹിച്ചെങ്കിലും ദുര്‍ബലമായ ആരോഗ്യം മൂലം അവള്‍ക്ക് തന്റെ ആഗ്രഹം ഉപേക്ഷിക്കേണ്ടി വന്നു. അവള്‍ക്ക് 18 വയസ്സായപ്പോള്‍ അവളുടെ അമ്മ മരിച്ചു. തുടര്‍ന്ന് മോന്‍ട്രിയാലിന് സമീപമുള്ള ബേലോയേല്‍ ഇടവകയില്‍ തന്റെ സഹോദരനായ വൈദികന്റെ കൂടെ അവള്‍ സേവനം ചെയ്യാന്‍ ആരംഭിച്ചു. അവളുടെ സേവനങ്ങള്‍ വൈകാതെ പ്രസിദ്ധിയാര്‍ജിച്ചു. ബേലോയേലിലെ വിശുദ്ധ എന്നൊരു പേര് നാട്ടുകാര്‍ അവള്‍ക്ക് നല്‍കി. ക്രൂശിതനായ ക്രിസ്തുവിനോട് അവള്‍ക്ക് അഗാധമായ സ്‌നേഹമുണ്ടായിരുന്നു. ഈശോ മറിയം യൗസേപ്പേ! ഓ മാധുര്യവാനായ ഈശോയെ! എന്നു പറഞ്ഞു കൊണ്ടാണ് അവള്‍ മരണം വരിച്ചത്.
വാഴ്ത്തപ്പെട്ട മേരി റോസ് ഡുറോഷര്‍, ഞങ്ങള്‍ക്കു വേണ്ടി അപേക്ഷിക്കണമേ.
മരിയന്‍ ടൈംസിലെ ഇന്നത്തെ പ്രധാനപ്പെട്ട അപ്ഡേറ്റുകള്‍ താഴെ ലഭിക്കുന്നതാണ്.
