വി. വിന്‍സെന്റ് ഡി പോള്‍
മരണക്കിടക്കയില്‍ നിന്ന് ഒരു വേലക്കാരന്‍ നടത്തിയ ഏറ്റുപറച്ചിലുകളാണ് ഫ്രാന്‍സിലെ കര്‍ഷകരുടെ ആത്മീയ ആവശ്യങ്ങളിലേക്ക് വിന്‍സെന്റ് ഡി പോളിന്റെ കണ്ണു തുറപ്പിച്ചത്. അത് വിന്‍സെന്‍ഷ്യന്‍ സഭയുടെ സ്ഥാപനത്തിലേക്ക് നയിച്ചു. തുടര്‍ന്ന്, ഓരോ ഇടവകയിലെയും ആത്മീയവും ഭൗതികവുമായ ആവശ്യങ്ങള്‍ നിറവേറ്റാന്‍ ഉപവിയുടെ സേവാസംഘങ്ങള്‍ സ്ഥാപിച്ചു. പാരീസിലെ ധനാഢ്യരായ സ്ത്രീകള്‍ അദ്ദേഹത്തിന്റെ മിഷണറി പ്രവര്‍ത്തനങ്ങള്‍ക്കായി പണം നല്‍കി. അദ്ദേഹം നിരവധി ആശുപത്രികള്‍ തുറന്നു. യുദ്ധത്തിന് ഇരയായവര്‍ക്കായി ദുരിതാശ്വാസ ഫണ്ടുകള്‍ ശേഖരിച്ചു. 1200 ലേറെ അടിമകളെ മോചനദ്രവ്യം കൊടുത്തു മോചിപ്പിച്ചു.
