കുമ്പസാര രഹസ്യം വെളിപ്പെടുത്താനുള്ള നിയമനിര്‍മാണം ഉപേക്ഷിച്ചു
സാക്രമെന്തോ, കാലിഫോര്‍ണിയ: വൈദികരെ കുമ്പസാര രഹസ്യം വെളിപ്പെടുത്താന്‍ നിര്‍ബന്ധിക്കുന്ന കാലിഫോര്‍ണിയന്‍ ബില്‍ എന്നറിയപ്പെട്ട നിയമനിര്‍മാണം ഉപക്ഷേിച്ചു. ഈ ബില്ലിന്റെ സ്‌പോണ്‍സര്‍ തന്നെയാണ് ഇത് കമ്മിറ്റിയില്‍ ചര്‍ച്ചയ്ക്കു വയ്ക്കുന്നതിന് തലേ ദിവസം പിന്‍വലിച്ചത്.
സ്റ്റേറ്റ് സെനറ്റര്‍ ജെറി ഹില്‍ ആയിരുന്നു കാലിഫോര്‍ണിയന്‍ ബില്ലിന്റെ സ്‌പോണ്‍സര്‍. ജൂലൈ 9 ന് നടത്താന്‍ തീരുമാനിച്ചിരുന്ന കാലിഫോര്‍ണയി അസ്സംബ്ലിയുടെ പബ്ലിക്ക് സേഫ്ടി കമ്മിറ്റിയില്‍ ചര്‍ച്ചയ്ക്ക്് വയ്ക്കാനിരുന്ന കാലിഫോര്‍ണിയ സെനറ്റ് ബില്‍ 360 ആണ് അജന്‍ഡയില്‍ നിന്നും മാറ്റിയത്.
ഈ ബില്‍ പാസ്സായിരുന്നെങ്കില്‍ ചില പ്രത്യേക സാഹചര്യങ്ങളില്‍, പ്രത്യേകിച്ച് കുട്ടികളുടെ ചൂഷണവുമായി ബന്ധപ്പെട്ട കേസുകളില്‍, വൈദികര്‍ കുമ്പസാര രഹസ്യം വെളിപ്പെടുത്താന്‍ നിര്‍ബന്ധിതരാകുമായിരുന്നു. കത്തോലിക്കാ സഭയുടെ നാനാതുറകളില്‍ നിന്നും ബില്ലിനെതിരെ വന്‍ പ്രതിഷേധം ഉയര്‍ന്നിരുന്നു.
