ഇന്ത്യന്‍ കാത്തലിക്ക് യൂത്ത് കോണ്‍ഗ്രസ് ഹൈദരാബാദില്‍
സെക്കന്തരാബാദ്: സിസിബിഐയുടെ നാഷനല്‍ യൂത്ത് കമ്മീഷന്റെ ദേശീയ കോണ്‍ഫറന്‍സ് സെക്കന്ദരബാദില്‍ ഒക്ടോബര്‍ 13 മുതല്‍ 17 വരെ നടക്കും.
പ്രധാനമായും രണ്ട് ലക്ഷ്യങ്ങളാണ് ഈ സമ്മേളനത്തിനുള്ളതെന്ന് ഐസിവൈഎമ്മിന്റെ ദേശീയ പ്രസിഡന്റ് പെര്‍സിവേല്‍ ഹോര്‍ട്ട് പറഞ്ഞു: ‘യുവാക്കള്‍ക്ക് പരസ്പരം സംസാരിക്കാന്‍ അവസരം ഒരുക്കണം. രണ്ടാമത്, വിശ്വാസത്തെ കുറിച്ചും മീഡിയ, നേത്ൃത്വം, രാഷ്ട്രീയം, ക്രിസ്തീയ വിശ്വാസത്തിന്റെ ചരിത്രം, ദൈവവിളി തുടങ്ങിയ പ്രധാനപ്പെട്ട വിഷയങ്ങളെ കുറിച്ച് അവര്‍ക്ക് അറിവ് നല്‍കുക.:
‘ഇതാ കര്‍ത്താവിന്റെ ദാസി. അവിടുത്തെ വചനം പോലെ എന്നില്‍ നിറവേറട്ടെ’ (ലൂക്ക. 1. 38) എന്നതാണ് ഈ സമ്മേളത്തിന്റെ പ്രമേയം. യുവാക്കള്‍ തങ്ങളുടെ ജീവിതത്തിലെ ദൈവവിളി തിരിച്ചറിഞ്ഞ് ദൈവത്തോടുള്ള സമര്‍പ്പണം നവീകരിക്കുക എന്നതാണ് ഇത് കൊണ്ട് ഉദ്ദേശിക്കുന്നത്.
