ഇന്നത്തെ വിശുദ്ധന്‍: വന്ദ്യനായ വി. ബീഡ്
May 25 – വന്ദ്യനായ വി. ബീഡ്
ജീവതകാലത്ത് തന്നെ വന്ദ്യന്‍ എന്ന നിലയില്‍ ജനങ്ങള്‍ ബഹുമാനിച്ചിരുന്ന വിശുദ്ധനാണ് ബീഡ്. ബീഡിനെ വളരെ ചെറുപ്രായത്തില്‍ തന്നെ ജാരോയിലെ ആശ്രമാധിപന്റെ സംരക്ഷണയില്‍ ഏല്പിക്കപ്പെട്ടു. അസാധാരണജ്ഞാനമുള്ള പണ്ഡിതനായും പ്രതിഭയായും ബീഡ് വളര്‍ന്നു വന്നു. ഭൗതികശാസ്ത്രത്തിലും തത്വശാസ്ത്രത്തിലും ജ്യോതിശാസ്ത്രത്തിലും സഭാചരിത്രത്തിലുമെല്ലാം അദ്ദേഹം അഗാധപാണ്ഡിത്യം നേടി. 19 ാം വയസ്സില്‍ ഡീക്കനും 30 ാം വയസ്സില്‍ അദ്ദേഹം പുരോഹിതനുമായും ബീഡ് അഭിഷിക്തനായി. പഠനത്തിലും എഴുത്തിലും പ്രഭാഷണത്തിലും അദ്ദേഹം മുഴുകി. 45 ഗ്രന്ഥങ്ങള്‍ അദ്ദേഹം രചിച്ചിട്ടുണ്ട്. അതില്‍ 30 എണ്ണം ബൈബിള്‍ വ്യാഖ്യാനങ്ങളാണ്.
വന്ദ്യനായ വി. ബീഡ്, ഞങ്ങള്‍ക്കു വേണ്ടി അപേക്ഷിക്കണമേ
മരിയന്‍ ടൈംസിലെ ഇന്നത്തെ പ്രധാനപ്പെട്ട അപ്ഡേറ്റുകള്‍ താഴെ ലഭിക്കുന്നതാണ്.
