ഇന്നത്തെ വിശുദ്ധര്‍: വി. ക്രിസ്റ്റോബാല് മെഗല്ലാനസും കൂട്ടാളികളും
മെക്‌സിക്കോയില്‍ കത്തോലിക്കാ വിരുദ്ധ സര്‍ക്കാര്‍ നടമാടിയിരുന്ന കാലഘട്ടത്തില്‍ രക്തസാക്ഷിത്വം വഹിച്ച വിശുദ്ധരാണ് വി. ക്രിസ്‌റ്റോബാലും അദ്ദേഹത്തിന്റെ 24 കൂട്ടാളികളും. അക്കാലത്ത് സര്‍ക്കാര്‍ പള്ളികളും സ്‌കൂളുകളും സെമിനാരികളും അടച്ചു പൂട്ടുകയും വിദേശവൈദികരെ നാടുകടത്തുകയും ചെയ്തു. ക്രിസ്റ്റോബാല് രഹസ്യമായി ഒരു സെമിനാരി നടത്തിയിരുന്നു. രക്തസാക്ഷിത്വം വഹിച്ചവരില്‍ മൂന്നുപേര്‍ ഒഴികെ ബാക്കിയുള്ളവരെല്ലാവരും രൂപതാവൈദികരായിരുന്നു. ഡേവിഡ്, മാനുവല്‍, സാല്‍വദോര്‍ എന്നിവര്‍ അത്മായരും. ഇവരെല്ലാവരും ഒരുമിച്ചല്ല മരിച്ചത്. 22 വര്‍ഷങ്ങളില്‍ പല സ്ഥലങ്ങളില്‍ വിവിധ കാലഘട്ടങ്ങളിലാണ് രക്തസാക്ഷിത്വം വഹിച്ചത്.
വി. ക്രിസ്റ്റോബാല് മെഗല്ലാനസും കൂട്ടാളികളും, ഞങ്ങള്‍ക്കു വേണ്ടി അപേക്ഷിക്കണമേ
മരിയന്‍ ടൈംസിലെ ഇന്നത്തെ പ്രധാനപ്പെട്ട അപ്ഡേറ്റുകള്‍ താഴെ ലഭിക്കുന്നതാണ്.
