ഇന്നത്തെ വിശുദ്ധന്‍: ആഫ്രിക്കക്കാരനായ വി. ബെനഡിക്ട്
April 3 – ആഫ്രിക്കക്കാരനായ വി. ബെനഡിക്ട്
ആഫ്രിക്കകാരായ ബെനഡിക്ടിന്റെ മാതാപിതാക്കളെ അടിമകളായി പിടിക്കപ്പെട്ട് സിസിലിയിലെ മെസ്സീനയില്‍ എത്തിയവരാണ്. പതിനെട്ടാം വയസ്സില്‍ സ്വതന്ത്രനായ ബെനഡിക്ട് ഒരു ജോടി കാളകളെ വാങ്ങി. തുടര്‍ന്ന് അദ്ദേഹം വി. ഫ്രാന്‍സിസിന്റെ നിയമം അനുസരിച്ചു ജീവിച്ചിരുന്ന പലെര്‍മോയിലെ ഒരു സന്ന്യാസ സമൂഹത്തില്‍ ചേര്‍ന്നു. നോവീസ് മാസ്റ്ററും സന്ന്യാസികളുടെ ഗാര്‍ഡിയനും ഒക്കെ ആയിത്തീരുന്ന അദ്ദേഹം തന്റെ ഊഴം കഴിഞ്ഞപ്പോള്‍ സസന്തോഷം അടുക്കള ജോലികള്‍ ചെയ്തു. എളിമയോടെയാണ് അദ്ദേഹം മറ്റുള്ളവരെ തിരുത്തിയിരുന്നത്. ഒന്നും സ്വന്തമായി സൂക്ഷിക്കാതിരുന്ന ബെനഡിക്ട് ‘എന്റെ’ എന്ന വാക്ക് ഉപയോഗിച്ചിരുന്നില്ല. നമ്മുടേത് എന്ന് മാത്രമേ പറഞ്ഞിരുന്നുള്ളൂ. എല്ലാ വര്‍ഷവും അദ്ദേഹം 40 ദിവസം ഉപവാസം അനുഷ്ഠിച്ചിരുന്നു. അദ്ദേഹം ആഫ്രിക്കന്‍ അമേരിക്കക്കാരുടെ മധ്യസ്ഥനാണ്.
ആഫ്രിക്കക്കാരനായ വി. ബെനഡിക്ട്, ഞങ്ങള്‍ക്കു വേണ്ടി അപേക്ഷിക്കണമേ
മരിയന്‍ ടൈംസിലെ ഇന്നത്തെ പ്രധാനപ്പെട്ട അപ്ഡേറ്റുകള്‍ താഴെ ലഭിക്കുന്നതാണ്.
