വധശിക്ഷ വേണ്ട, മാനസാന്തരത്തിന് അവസരം കൊടുക്കണമെന്ന് മാര്‍പാപ്പാ
വത്തിക്കാന്‍: വധശിക്ഷ നിരോധിക്കാന്‍ ഒരുമിച്ചു കൈകോര്‍ക്കണം എന്ന് രാഷ്ട്രത്തലവന്മാരെ അഭിസംബോധന ചെയ്ത് ഫ്രാന്‍സിസ് പാപ്പാ. ഒരു വീഡിയോ സന്ദേശത്തിലാണ് മാര്‍പാപ്പാ വധശിക്ഷയ്‌ക്കെതിരെ ആഹ്വാനം ചെയ്തത്.
വേള്‍ഡ് കോണ്‍ഗ്രസ് എഗെയ്ന്‍സ്റ്റ് ഡെത്ത് പെനാള്‍ട്ടി എന്ന പേരില്‍ മാര്‍ച്ച് 1 ന് നടത്തുന്ന വധശിക്ഷയ്‌ക്കെതിരായ സമ്മേളനത്തിനാണ് പരിശുദ്ധ പിതാവ് തന്റെ വീഡിയോ സന്ദേശം അയച്ചത്. ബെല്‍ജിയത്തിലെ ബ്രസ്സല്‍സിലാണ് കോണ്‍ഗ്രസ് നടക്കുന്നത്.
വധശിക്ഷ ഒഴിവാക്കി കുറ്റവാളികള്‍ക്ക് മനപരിവര്‍ത്തനം നടത്തുവാനും പശ്ചാത്തപിച്ച് നല്ല ജീവിതം നയിക്കാനും അവസരം കൊടുക്കണം എന്ന് പാപ്പാ ആവശ്യപ്പെട്ടു.
