ഉറവിടങ്ങളെ ഉടയവനു വേണ്ടി ഉപേക്ഷിക്കാം…

ദൈവവുമായുള്ള സമാനത നിലനിർത്തേണ്ട കാര്യമായി പരിഗണിക്കാതെ മനുഷ്യ സാദൃശ്യത്തിൽ ആയിത്തീർന്ന് ഉപേക്ഷിക്കലിൻ്റെ പരമകോടി പ്രഘോഷിച്ച ക്രിസ്തുവിൻ്റെ അനുയായികൾ ,
അവനെ പ്രതി ഉപേക്ഷിച്ചവയെ .. ഉച്ചിഷ്ടങ്ങളെ…. വിശിഷ്ടങ്ങളായി കരുതരുത്.

ഉപേക്ഷകൾ എന്നും വേദനാജനകമാണ്.
ഉപേക്ഷിക്കുകയെന്നാൽ ഒരു പുഴയാകുക എന്നർത്ഥം.
അരുവി പുഴയായി, പുഴ നദിയായി,
നദി കടലായി വളരുന്നതിൽ ഉപേക്ഷിക്കലുകളുടെ നീണ്ട ഒരു നിര തന്നെയുണ്ട്.
ഉറവിടത്തെ ഉപേക്ഷിച്ച് യാത്രയാകുന്നതിൻ്റെ ചങ്കൂറ്റം.
ക്രിസ്തുവിനു വേണ്ടി നമ്മുടെ ചെറിയ ഉറവിടങ്ങളെ അകറ്റി നിർത്താനാവണം നമുക്ക്.
ചില വഴിവിട്ട ബന്ധങ്ങളിലേക്ക് നയിച്ച ….
ചില ദുശ്ശീലങ്ങളിലേക്ക് നമ്മെ നയിച്ച …
ചില തഴക്കദോഷങ്ങളുടെ അടിമത്വത്തിന് കാരണമായ…. ഉറവിടങ്ങളെ…
ഉപേക്ഷിക്കാനാവണം.

ഉറവിടങ്ങൾ താൽക്കാലിക സുഖങ്ങൾ നൽകുന്നവയാണ്.
സ്ഥാപനങ്ങളുടെ …സ്ഥാനമാനങ്ങളുടെ സംരക്ഷണത്തിനുള്ള അമിതാവേശം കെട്ടടങ്ങട്ടെ.

ദൈവവുമായുള്ള സമാനത പരിഗണിക്കാതെ മനുഷ്യനെ സ്നേഹിച്ച് മാനവനായ ക്രിസ്തുവിനെപ്പോലെ…,
ക്രിസ്തുവിനെ പ്രതി സർവ്വവും ഉച്ചിഷ്ടമായിക്കണ്ട പൗലോസിനെപ്പോലെ ….

~ Jincy Santhosh ~

മരിയന്‍ ടൈംസിലെ ഇന്നത്തെ പ്രധാനപ്പെട്ട അപ്ഡേറ്റുകള്‍ താഴെ ലഭിക്കുന്നതാണ്.