ശുദ്ധീകരണാത്മക്കള്‍ക്കു വേണ്ടിയുള്ള പ്രാര്‍ത്ഥന – 22-ാം ദിവസം
ശുദ്ധീകരണസ്ഥലത്തെ ആത്മാക്കള്‍ ഭൂമിയിലുള്ളവര്‍ക്കായി മാധ്യസ്ഥം വഹിച്ചു കൊണ്ട് ഇരിക്കുന്നു. ശുദ്ധീകരണാത്മാക്കളുടെ മോചനത്തിനായി പ്രാര്‍ത്ഥിക്കുമ്പോള്‍ നമ്മുക്ക് നമ്മുടെ നിയോഗങ്ങളും സമര്‍പ്പിക്കാം. ഇന്‍സ്റ്റിറ്റ്യൂട്ട് ഓണ്‍ റിലീജിയസ് ലൈഫിലെ മൈക്കേല്‍ വിക്ക് ഇപ്രകാരം പറയുന്നു, “നമ്മളില്‍ നിന്നും മരണം വഴി വേര്‍പിരിഞ്ഞവര്‍ക്കായി പ്രാര്‍ത്ഥിക്കുക എന്ന പതിവ്‌ നമുക്ക്‌ ഒരിക്കലും അവഗണിക്കാതിരിക്കാം. ഒപ്പം, ശുദ്ധീകരണസ്ഥലത്തെ ആത്മാക്കളാകുന്ന മധ്യസ്ഥങ്ങളുടെ മഹാ സംഭരണി വഴി നമ്മളില്‍ ദൈവീക നിയോഗങ്ങള്‍ നിറവേറപ്പെടുന്നതിന് നമുക്ക്‌ മറക്കാതിരിക്കാം”.
പ്രാര്‍ത്ഥന
നിത്യ പിതാവേ, അവിടുത്തെ പ്രിയ പുത്രനും ഞങ്ങളുടെ ഏക കര്‍ത്താവുമായ യേശുക്രിസ്തുവിന്റെ തിരുരക്തം ഇന്ന് ലോകമെമ്പാടും അര്‍പ്പിക്കപ്പെടുന്ന ദിവ്യബലികളോട് ചേര്‍ത്ത് ശുദ്ധീകരണസ്ഥലത്തിലെ എല്ലാ ആത്മാക്കള്‍ക്കുവേണ്ടിയും, ലോകംമുഴുവനിലുമുള്ള എല്ലാ പാപികള്‍ക്കു വേണ്ടിയും, തിരുസഭയിലുള്ള എല്ലാ പാപികള്‍ക്കുവേണ്ടിയും, ഞങ്ങളുടെ കുടുംബത്തില്‍നിന്ന് മരിച്ചുപോയ തലമുറകളിലുള്ളവര്‍ക്കുവേണ്ടിയും ഞങ്ങള്‍ കാഴ്ചവയ്ക്കുന്നു.
1 സ്വര്‍. 1 നന്മനിറഞ്ഞ. 1 ത്രിത്വ.
മരിയന്‍ ടൈംസിലെ ഇന്നത്തെ പ്രധാനപ്പെട്ട അപ്ഡേറ്റുകള്‍ താഴെ ലഭിക്കുന്നതാണ്.
