പ്രകാശം പരത്തുന്ന അപ്പൻ
അടുക്കളയിലെ വേസ്റ്റ് ബക്കറ്റിൽ മാലിന്യങ്ങൾ നിറഞ്ഞപ്പോൾ
അപ്പൻ പറഞ്ഞു: ”അതെടുത്ത് കളയൂ മോളേ…
എന്തൊരു ദുർഗന്ധം.”
വേസ്റ്റ് കളഞ്ഞ്,
തിരിച്ചു വന്നപ്പോൾ,
അടുക്കളയിൽ ചന്ദനത്തിരി
കത്തിച്ചു വച്ച് അപ്പൻ തുടർന്നു:
“നമ്മുടെ ജീവിതവും ഇതുപോലാണ്.
മനസിലുള്ള വെറുപ്പും വിദ്വേഷവും
യഥാസമയം പുറത്തു കളഞ്ഞില്ലെങ്കിൽ
നമ്മളുമായ് ഇടപെടുന്നവർക്ക്
ലഭിക്കുന്നത് ദു:ർഗന്ധമായിരിക്കും.
നോക്കൂ…..
ചന്ദനത്തിരി എത്ര ചെറുതാണ്,
എന്നാൽ അത് കത്തിച്ചപാടെ
വീടുമുഴുവനും
സുഗന്ധം നിറഞ്ഞില്ലെ?”
പെട്ടന്ന് കരണ്ട് പോയി…..
വീടെങ്ങും അന്ധകാരമായി.
ഒരു തിരി കത്തിച്ചുവെച്ച് മകൾ പറഞ്ഞു:
“ഈ മെഴുകുതിരി പോലെ
സ്വയം ഉരുകി പ്രകാശം പരത്തുന്ന
അപ്പൻ എൻ്റെ ജീവിതത്തെ എത്രയധികം തെളിച്ചമുള്ളതാക്കി മാറ്റുന്നു.
അതാണെൻ്റെ ഭാഗ്യം!”
മരിച്ചവരിൽ നിന്നുയിർപ്പിക്കപ്പെട്ട
ലാസറിൻ്റെ ഭവനത്തിൽ
ക്രിസ്തു വന്നപ്പോൾ;
”മറിയം വിലയേറിയതും ശുദ്‌ധവുമായ
ഒരു കുപ്പി നാര്‍ദിന്‍ സുഗന്‌ധതൈലമെടുത്ത്‌ യേശുവിന്റെ പാദങ്ങളില്‍ പൂശുകയും
തന്റെ തലമുടികൊണ്ട്‌ അവന്റെ പാദങ്ങള്‍ തുടയ്‌ക്കുകയും ചെയ്‌തു.
തൈലത്തിന്റെ പരിമളംകൊണ്ടു
വീടു നിറഞ്ഞു” (യോഹന്നാന്‍ 12 : 3).
പ്രതിസന്ധികളെ നോക്കി നിരാശരാകാതെ
അപരന് തിരിവെട്ടവും സുഗന്ധവുമാകാനുള്ള ശ്രമമാകട്ടെ നമ്മുടെ ജീവിതം.
~ ഫാദർ ജെൻസൺ ലാസലെറ്റ് ~
മരിയന്‍ ടൈംസിലെ ഇന്നത്തെ പ്രധാനപ്പെട്ട അപ്ഡേറ്റുകള്‍ താഴെ ലഭിക്കുന്നതാണ്.
