ലൂര്‍ദ് മാതാവിന്റെ പ്രധാനപ്പെട്ട സന്ദേശങ്ങള്‍ ഏതെല്ലാമാണ് എന്നറിയാമോ?

1858 ഫെബ്രുവരി 11 വ്യാഴാഴ്ച, ഫ്രാൻസിലെ ലൂർദ്ദു ഗ്രാമത്തിലെ, ഒരു ദരിദ്രകുടുംബത്തിൽ ജനിച്ചു വളർന്ന അക്ഷരാഭ്യാസമില്ലാത്ത പതിനാലുവയസ്സുകാരി ബെർണദീത്തായും അനുജത്തി ട്വാനെത്തും ഒരു കൂട്ടുകാരിയുംകൂടി വിറകു ശേഖരിക്കുന്നതിനായി മസബിയേൻ എന്ന വനത്തിലേക്കു പോയി.

മാർഗ്ഗമദ്ധ്യേയുണ്ടായിരുന്ന ഒരു കൊച്ചരുവി കടക്കുന്നതിനു രോഗിയായ ബെർണദീത്തയ്ക്കു സാധ്യമല്ലാതിരുന്നതിനാൽ ഇക്കരെത്തന്നെ നിന്നു. അപ്പോൾ ഒരു കാറ്റുവീശി. അടുത്തുള്ള ഗ്രോട്ടോയിലേക്ക് ചില വൃക്ഷങ്ങളുടെ ശാഖകൾ അവളെ മാടിവിളിക്കുന്നതുപ്പോലെ തോന്നി. കണ്ണഞ്ചിക്കുന്ന വെള്ളവസ്ത്രവും നീലനിറത്തിലുള്ള അരക്കെട്ടും തത്തുല്യമായ ഒരു ശിരോവസ്ത്രവും ധരിച്ചു്, ഒരു സ്വർണ്ണ ജപമാല കൈയിലേന്തി, ഒരു യുവതി ആ ഗ്രോട്ടോയിൽ നിൽക്കുന്നതു കണ്ടു.

സ്വർണ്ണദീപ്തിയോടുകൂടിയൊരു പ്രകാശം ആ യുവതിയുടെ പാദത്തിന്റെ താഴെയുണ്ടായിരുന്നു. ബെർണദീത്തയും ആ യുവതിയുമൊരുമിച്ചു ജപമാല ചൊല്ലി. ത്രിത്വസ്തുതി മാത്രമേ ആ യുവതി ചൊല്ലിയിരുന്നുള്ളൂ. ജപമാലയുടെ അന്ത്യത്തിൽ പുഞ്ചിരിച്ചുകൊണ്ട് അല്പമൊന്നു കുനിഞ്ഞ് അവൾ തിരോധാനം ചെയ്തു.

പതിനൊന്നു തവണ ഇത്തരത്തിൽ മാതാവു പ്രത്യക്ഷപ്പെട്ടു.

ലൂർദ് മാതാവ് സംസാരിച്ചവയിൽ പ്രധാനപ്പെട്ടവ താഴെ ചേർക്കുന്നു :-

🌹 ഞാൻ ഈ ഭൂമിയിൽ നിന്നെ സന്തോഷിപ്പിക്കാം എന്ന് വാഗ്ദാനം ചെയ്യുന്നില്ല.പക്ഷേ, മരണശേഷം ഞാൻ സന്തോഷം വാഗ്ദാനം ചെയ്യുന്നു.

🌹പ്രായശ്ചിത്തം,പ്രായശ്ചിത്തം, പ്രായശ്ചിത്തം…പാപികൾക്ക് വേണ്ടി ദൈവത്തോട് പ്രാർത്ഥിക്കുക.

🌹 ഞാൻ അമലോൽഭവം ആകുന്നു.

🙏 ഈ ഭൂമിയിലെ ക്ലേശങ്ങൾക്കു ശേഷം സ്വർഗ്ഗത്തിൽ ഒരു സന്തോഷം നമ്മേ കാത്തിരിക്കുന്നുണ്ട് എന്ന് അറിയിച്ച ലൂർദ് മാതാവിനെ നമുക്ക് വണങ്ങാം.

മരിയന്‍ ടൈംസിലെ ഇന്നത്തെ പ്രധാനപ്പെട്ട അപ്ഡേറ്റുകള്‍ താഴെ ലഭിക്കുന്നതാണ്.