പ്രാര്‍ത്ഥനയും സ്നേഹവും എന്നെ സൗഖ്യപ്പെടുത്തി
ബാറ്റ്മാന്‍ അവതാരത്തിലൂടെ ലോകമെമ്പാടുമുള്ള കുരുന്നുകളെയും, സിനിമാപ്രേമികളെയും ആവേശം കൊള്ളിച്ച പ്രശസ്ത ചലച്ചിത്രതാരം വാല്‍ കില്‍മര്‍ പറയുന്നു, പ്രാര്‍ത്ഥനയും, സ്നേഹവും എന്നെ സൗഖ്യപ്പെടുത്തി. 2015ലാണ് തന്റെ തൊണ്ടയില്‍ ബാധിച്ച അര്‍ബുദത്തെക്കുറിച്ച് കില്‍മര്‍ അറിയുന്നത്. അന്നുമുതല്‍ ആരംഭിച്ച യുദ്ധം ഏതാണ്ട് രണ്ടുവര്‍ഷത്തോളം നീണ്ടു. അന്‍പത്തിയേഴുകാരനായ നടന്‍ തന്റെ സൗഖ്യത്തിന്റെ പൂര്‍ണ്ണ ഉത്തരവാദിത്വം ഭരമേല്‍പ്പിക്കുന്നത് ക്രിസ്തുവിനെയാണ്. സൗഖ്യമാക്കാനുള്ള സ്‌നേഹത്തിന്റെ ശക്തി തിരിച്ചറിഞ്ഞ കില്‍മര്‍ തന്നെ ചികിത്‌സിച്ച എല്ലാ ഭിഷ്വഗരന്‍മാര്‍ക്കും പ്രത്യേകിച്ച് തന്റെ സൗഖ്യത്തിനായി പ്രാര്‍ത്ഥിച്ച എല്ലാവര്‍ക്കും നന്ദി അര്‍പ്പിച്ചു.
