പരിശുദ്ധ കുര്‍ബാന ശുദ്ധീകരണാത്മാക്കളെ മോചിപ്പിക്കുന്നു
“ശുദ്ധീകരണസ്ഥലത്തു നിന്ന് മോചിക്കപ്പെട്ട ഒരു കൂട്ടം ആത്മാക്കള്‍ കൊര്‍ട്ടോണയിലെ മാര്‍ഗരറ്റിനെ സന്ദര്‍ശിച്ചു. ഒരാള്‍ക്ക് ചിന്തിക്കാന്‍ കഴിയുന്നതിലും അധികം ആഹ്ലാദത്തിലായിരിന്നു അവര്‍. തങ്ങള്‍ എങ്ങിനെയാണ് ശുദ്ധീകരണസ്ഥലത്ത് നിന്നും മോചിതരായതെന്ന് അവര്‍ അവള്‍ക്ക് കാണിച്ചു കൊടുത്തു. അവളെ അഭിവാദ്യം ചെയ്തു കൊണ്ട് സ്വര്‍ഗ്ഗത്തിലേക്ക് ദൈവത്തിന്റെ മടിത്തട്ടിലേക്ക് ഉയര്‍ത്തപ്പെടുകയും ചെയ്തു”.
“അതിനു ശേഷവും, മറ്റ് പല ദുഖാര്‍ത്തരായ ആത്മാക്കളും അവളെ സന്ദര്‍ശിക്കുകയും തങ്ങളുടെ മേലും കരുണകാണിക്കണമെന്ന് അവളോട് അപേക്ഷിക്കുകയും ചെയ്തുകൊണ്ടിരുന്നു. മാര്‍ഗരറ്റ് തന്റെ പ്രാര്‍ത്ഥനകള്‍ വര്‍ദ്ധിപ്പിച്ചു ദിവ്യകാരുണ്യം സ്വീകരിച്ചു. ദിവ്യകാരുണ്യത്തിന്റെ അത്ഭുതശക്തിയെ വാഴ്ത്തി കൊണ്ട് ആ ദിവസം തന്നെ അനേകം ആത്മാക്കള്‍ സ്വതന്ത്രമാക്കപ്പെട്ടു”.
(1924-ല്‍ പയസ് യൂണിയന്‍ ഓഫ് സെന്റ്‌ ജോസഫിന്റെ സ്ഥാപകനായ വിശുദ്ധ ലൂയീസ് ഗ്വാനെല്ല).
വിചിന്തനം:
നമ്മില്‍ നിന്ന് വേര്‍പ്പിരിഞ്ഞ പ്രിയപ്പെട്ടവരുടെ ആത്മാക്കള്‍ക്ക് ശുദ്ധീകരണസ്ഥലത്തു നിന്ന് മോചനം ലഭിക്കുവാന്‍ ദിവ്യകാരുണ്യ നാഥന്റെ മുന്നില്‍ സമയമെടുത്ത് പ്രാര്‍ത്ഥിക്കുക.
പ്രാര്‍ത്ഥന:
നിത്യപിതാവേ! അവിടുത്തെ പ്രിയപുത്രനും ഞങ്ങളുടെ ഏകകര്‍ത്താവുമായ യേശുക്രിസ്തുവിന്‍റെ തിരുരക്തം ഇന്ന് ലോകമെമ്പാടും അര്‍പ്പിക്കപ്പെടുന്ന ദിവ്യബലികളോട് ചേര്‍ത്ത് ശുദ്ധീകരണ സ്ഥലത്തിലെ എല്ലാ ശുദ്ധാത്മാക്കള്‍ക്കു വേണ്ടിയും ലോകം മുഴുവനിലുമുള്ള എല്ലാ പാപികള്‍ക്കു വേണ്ടിയും തിരുസഭയിലുള്ള എല്ലാ പാപികള്‍ക്കു വേണ്ടിയും എന്‍റെ കുടുംബത്തിലും തലമുറകളിലുള്ളവര്‍ക്കു വേണ്ടിയും ഞാന്‍ കാഴ്ച വയ്ക്കുന്നു.
1 സ്വര്‍ഗ്ഗ. 1 നന്മ. 1 ത്രിത്വ.
(വി. ജെര്‍ത്രൂദിനോട് കര്‍ത്താവ് പറഞ്ഞു: “ഈ പ്രാര്‍ത്ഥന ഓരോ പ്രാവശ്യം ചൊല്ലുമ്പോഴും ആയിരം ആത്മാക്കളെ ശുദ്ധീകരണ സ്ഥലത്തു നിന്ന് സ്വര്‍ഗ്ഗത്തിലേക്ക് ഞാന്‍ കൊണ്ടുപോകുന്നു”. ആയതിനാല്‍, നമുക്കും ഈ പ്രാര്‍ത്ഥന ഏറ്റുപറഞ്ഞ് ശുദ്ധീകരണ സ്ഥലത്തെ ആത്മാക്കൾക്കു വേണ്ടി പ്രാർത്ഥിക്കാം.)
മരിയന്‍ ടൈംസിലെ ഇന്നത്തെ പ്രധാനപ്പെട്ട അപ്ഡേറ്റുകള്‍ താഴെ ലഭിക്കുന്നതാണ്.
