വിശുദ്ധ ജോൺ പോൾ പാപ്പായോടുള്ള നൊവേന നാലാം ദിവസം
പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ ആമേൻ നാലാം ദിവസത്തെ പ്രാർത്ഥന ഞങ്ങളുടെ നാഥനും കർത്താവുമായ ഈശോയെ, ലോകമെമ്പാടുമുള്ള സക്രാരിയിൽ സന്നിഹിനായിരിക്കുന്ന അങ്ങയെ ഞങ്ങൾ ആരാധിക്കുന്നു സ്തുതിക്കുന്നു നന്ദി പറയുന്നു. ദിവ്യകാരുണ്യ തോടുള്ള ഭക്തിയും ബഹുമാനവും ഞങ്ങളിൽ ജ്വലിപ്പിക്കേണമേ. വിശുദ്ധ ജോൺ പോൾ പാപ്പയെ പോലെ വിശുദ്ധ കുർബാനയിലു ള്ള അങ്ങയുടെ സജീവസാന്നിധ്യം ലോകത്തിനു മുമ്പിൽ ഏറ്റു പറയുവാൻ ഞങ്ങളെ ശക്തരാകണമേ . ലോകമെമ്പാടുമുള്ള സക്രാരിയിൽ അങ്ങനു ഭവിക്കുന്ന നിന്ദ അപമാനങ്ങൾക്ക് ഞങ്ങളാൽ കഴിയും വിധം പരിഹാരം ചെയ്തുകൊള്ളാമെന്ന് ഞങ്ങൾ വാഗ്ദാനം ചെയ്യുന്നു. അങ്ങയുടെ കൃപയിലും നന്മയിലും ആശ്രയിച്ച് വിശുദ്ധി യിൽ വളരുവാൻ ഞങ്ങളെ സഹായിക്കണമേ. വിശുദ്ധ ജോൺ പോൾ പാപ്പായുടെ മദ്ധ്യസ്ഥത യാൽ ഇപ്പോൾ പ്രത്യാശാപൂർവ്വം ഞങ്ങൾ അപേക്ഷിക്കുന്ന ഈ അനുഗ്രഹം ……. സാധിച്ചു തരേണമേ. ആമേൻ. 3സ്വർഗ്ഗ 3നന്മ 3ത്രീത്വ നവനാൾ ജപം സ്വർഗ്ഗീയ വരങ്ങളാൽ വി. ജോൺ പോൾ രണ്ടാമനെ/ അലങ്കരിക്കുവാൻ തിരുമനസ്സായ ദൈവമേ / അങ്ങയുടെ തിരുസുതനായ /ഈശോമിശിഹാ യുടേയും / മാതാവും കന്യകയുമായ /മറിയത്തിന്റേയും / നീതിമാനായ മാർ യൗസേപ്പിന്റെയും / വിശുദ്ധരുടെയും / രക്തസാക്ഷികളുടെയും/നീതിമാന്മാരുടെയും / സുകൃതങ്ങളും പ്രാർത്ഥനകളും പരിഗണിച്ച് /ബലഹീനരും പാപികളുമായ / ഞങ്ങളുടെ യാചനകളും പ്രാർത്ഥ നകളും / കരുണാപൂർവ്വം സ്വീകരിക്കണമേ. അങ്ങയെ പ്രസാദിപ്പിച്ച വിശുദ്ധ ജോൺ പോളിന്റെ / മദ്ധ്യസ്ഥതയാൽ ഞങ്ങൾ യാചിക്കുന്ന / പ്രത്യേക അനുഗ്രഹം / (മൗനമായി പറയുക) ഞങ്ങൾക്കു നൽകി /ഞങ്ങളെയും /ഞങ്ങളുടെ കുടുംബാംഗങ്ങളെയും ബന്ധുമിത്രാദികളെയും ഈ നൊവേനയിൽ / പങ്കെടുത്ത് പ്രാർത്ഥിക്കുന്ന എല്ലാവരെയും അനുഗ്രഹിക്കണമേ ആമേൻ. സമാപനപ്രാർത്ഥന ദൈവമേ സർവ്വശക്തനായ പിതാവേ, വിശുദ്ധ ജോൺ പോൾ രണ്ടാമന്റെ മദ്ധ്യസ്ഥതയാൽ ആത്മീയവും ശാരീരികവും മാനസികവുമായി ക്ലെശങ്ങൾ അനുഭവിക്കുന്നവരെ സമൃദ്ധമായി അനുഗ്രഹിക്കണമേ. രോഗികൾക്ക് സൗഖ്യവും മാനസികമായി ബുദ്ധിമുട്ടുന്നവർക്ക് സമാശ്വാസവും നൽകേണമേ നമ്മുടെ കർത്താവ് ഇശോമിശിഹായുടെ കൃപയും പിതാവായ ദൈവത്തിന്റെ സ്നേഹവും പരിശുദ്ധത്മാവിന്റെ സഹവാസവും നമ്മുടെ സ്വർഗീയ മദ്ധ്യസ്ഥനായ വിശുദ്ധ ജോൺ പോൾ പാപ്പായുടെ അപേക്ഷകളാൽ നാം എല്ലാവരോടും കൂടെ ഉണ്ടായിരിക്കട്ടെ. ഇപ്പോഴും എപ്പോഴും എന്നേക്കും. ആമേൻ.
മരിയന്‍ ടൈംസിലെ ഇന്നത്തെ പ്രധാനപ്പെട്ട അപ്ഡേറ്റുകള്‍ താഴെ ലഭിക്കുന്നതാണ്.
