സിറിയയിലെ ശാന്തിക്കായി മാര്‍പാപ്പാ തിരി തെളിച്ചു
വത്തിക്കാന്‍: പ്രത്യാശയുടെ സന്ദര്‍ഭമായ ആഗമനകാലത്തില്‍ സിറിയയില്‍ സമാധാനം സംസ്ഥാപിതമാകുവാന്‍ വേണ്ടി ഫ്രാന്‍സിസ് പാപ്പാ പ്രാര്‍ത്ഥിച്ചു. ‘ഈ സന്ദര്‍ഭത്തില്‍ സിറിയയുടെ മക്കള്‍ക്കായി ഞാന്‍ സമാധാനാശംസ നേരുന്നു’ സിറിയയ്ക്കായി മെഴുകുതിരി തെളിയിച്ചു കൊണ്ട് പാപ്പാ പറഞ്ഞു.
‘പ്രതീക്ഷയുടെ ഈ തിരി നാളങ്ങള്‍ യുദ്ധത്തിന്റെ അന്ധകാരം നീക്കം ചെയ്യട്ടെ. സിറിയിയിലും മധ്യേഷ്യയിലും കരുണയുടെ സാക്ഷികളായി ജീവിക്കുന്ന ക്രിസ്ത്യാനികളെ നമുക്ക് സഹായിക്കാം. അവര്‍ക്കായി പ്രാര്‍ത്ഥിക്കാം.’
‘ ഈ ദിവസങ്ങളില്‍ ലോകത്തിന്റെ വിവിധ ഭാഗങ്ങളില്‍ കഷ്ടതകള്‍ അനുഭവിക്കുകയും സംഘര്‍ഷങ്ങളില്‍ പെടുകയും ചെയ്യുന്നവര്‍ക്ക് ഈ പ്രത്യാശയുടെ തിരിനാളം സമാശ്വാസമായി എത്തട്ടെ’ പരിശുദ്ധ പിതാവ് പ്രാര്‍ത്ഥിച്ചു.
