ഇന്നത്തെ വിശുദ്ധന്‍: വി. ക്ലെമെന്റ്
92-101 കാലയളവില്‍ സേവനം ചെയ്ത വിശുദ്ധ ക്ലമന്റ് ആദ്യ മാര്‍പാപ്പാമാരില്‍ ഒരാളായിരുന്നു; വിശുദ്ധ ഇറേനിയൂസിന്റെ അഭിപ്രായത്തില്‍ വിശുദ്ധ പത്രോസിനു ശേഷം പരിശുദ്ധ സിംഹാസനത്തില്‍ അഭിഷിക്തനാകുന്ന മൂന്നാമത്തെ പാപ്പയാണ് വിശുദ്ധ ക്ലമന്റ്.
അദ്ദേഹത്തിന്റെ ജീവിതത്തെ കുറിച്ച് വളരെ കുറച്ച്‌ മാത്രമേ വിവരമുള്ളൂ. ഫിലി. 4:3-ല്‍ വിശുദ്ധ പൌലോസ് പരാമര്‍ശിച്ചിട്ടുള്ള അദ്ദേഹത്തിന്റെ സഹചാരി വിശുദ്ധ ക്ലമന്റ് ആണോ എന്ന കാര്യം തീര്‍ച്ചയില്ല. എന്നിരുന്നാലും വിശുദ്ധ ക്ലമന്റ് കൊറീന്തോസ്ക്കാര്‍ക്ക്‌ അയച്ച കത്തിന് ആധികാരികതയുണ്ട്. ഇതില്‍ വിശുദ്ധന്‍ നിരന്തര സംഘര്‍ഷങ്ങളാല്‍ മുറിവേറ്റ ആ സമൂഹത്തില്‍ ആധികാരികമായി ഇടപെടുന്നതായി കാണാം. ഇത് ആദ്യകാല പാപ്പാ ചരിത്രത്തില്‍ എടുത്ത്‌ പറയാവുന്ന ഒരു പ്രവര്‍ത്തിയാണ്.
കത്തോലിക്കാ സഭയുടെ നാലാമത്തെ മാര്‍പാപ്പയായിരുന്ന വി. ക്ലെമെന്റിന്റെ തിരുനാള്‍ നവംബര്‍ 29 നാണ്. എഡി ഒന്നാം നൂറ്റാണ്ടിന്റെ അന്ത്യത്തിലായിരുന്നു, അദ്ദേഹത്തിന്റെ ജീവിതകാലഘട്ടം. കൊറിന്തോസുകാര്‍ക്ക് വി. ക്ലെമെന്റ് എഴുതിയ ലേഖനം പ്രസിദ്ധമാണ്. പുരോഹിതരും വിശ്വാസികളും തമ്മിലുള്ള സമാധാനബന്ധം പുനര്‍സ്ഥാപിക്കുന്നതിനാണ് ഈ ലേഖനം ഊന്നല്‍ നല്‍കുന്നത്.
വി. ക്ലെമെന്റ്, ഞങ്ങള്‍ക്കുവേണ്ടി പ്രാര്‍ത്ഥിക്കേണമേ.
മരിയന്‍ ടൈംസിലെ ഇന്നത്തെ പ്രധാനപ്പെട്ട അപ്ഡേറ്റുകള്‍ താഴെ ലഭിക്കുന്നതാണ്.
