2022 ലെ ലോകയുവജനദിനത്തിലെ മരിയന്‍ പ്രമേയം പ്രഖ്യാപിച്ചു
വത്തിക്കാന്‍ സിറ്റി: 2022 ല്‍ പോര്‍ച്ചുഗലിലെ ലിസ്ബണില്‍ വച്ചു നടക്കുന്ന ലോക യുവജന ദിനത്തിലെ പ്രമേയം ഫ്രാന്‍സിസ് പാപ്പാ പ്രഖ്യാപിച്ചു: മറിയം എഴുന്നേറ്റ് തിടുക്കത്തില്‍ യാത്ര പുറപ്പെട്ടുന്ന എന്നതാണ് പ്രമേയം.
ദൈവം നമുക്ക് വേണ്ടി തയ്യാറാക്കിയിരിക്കുന്ന പാതയില്‍ സഞ്ചരിക്കാന്‍ അമാന്തിക്കേണ്ട. നമ്മെ വിളിക്കുന്ന ദൈവസ്വരത്തിന് നേരെ കാത് അടച്ചു കളയരുത്. മറിയത്തെ പോലെ, മറിയത്തോട് ഐക്യപ്പെട്ട്, നാം മറ്റുള്ളവര്‍ക്ക് സന്തോഷവും സ്‌നേഹവും എത്തിച്ചു കൊടുക്കണം, പാപ്പാ ഇന്റര്‍നാഷനല്‍ യൂത്ത് ഫോറത്തോട് പറഞ്ഞു.
വി. ലൂക്കായുടെ സുവിശേഷത്തില്‍ മറിയം എലിസബത്തിനെ സന്ദര്‍ശിക്കാന്‍ പോകുന്ന സന്ദര്‍ഭത്തില്‍ നിന്ന് എടുത്തിട്ടുള്ളതാണ് 2022 ലെ യുവജന ദിനത്തിലേക്കുള്ള മരിയന്‍ പ്രമേയം.
ഫാത്തിമായില്‍ നിന്ന് 75 മൈലുകള്‍ ദൂരെയായി സ്ഥിതി ചെയ്യുന്ന ലിസ്ബണ്‍ പോര്‍ച്ചുഗലിന്റെ തലസ്ഥാനമാണ്. ഫാത്തിമ ലോകത്തിലെ ഏറ്റവും പ്രസിദ്ധവും ജനകീയവുമായ മരിയന്‍ തീര്‍ത്ഥാടന കേന്ദ്രങ്ങളില്‍ ഒന്നാണ്.
