കൊറോണ വൈറസ് ബാധിതര്ക്ക് വേണ്ടി പ്രാര്ത്ഥിച്ച് പാപ്പ
വത്തിക്കാന് സിറ്റി: ചൈനയിലെ കൊറോണ വൈറസ് ബാധയില് മരണമടഞ്ഞവരോടും വൈറസ് ബാധിതരോടും ഐക്യദാര്ഢ്യം പ്രഖ്യാപിച്ച് ഫ്രാന്സിസ് പാപ്പ. മരണമടഞ്ഞവരെ ദൈവം സമാധാനത്തിലേക്ക് ചേര്ക്കട്ടെയെന്നും അവരുടെ കുടുംബാംഗങ്ങളെ ആശ്വസിപ്പിക്കട്ടെയെന്നും പാപ്പ ഞായറാഴ്ച ത്രികാല ജപ പ്രാര്ത്ഥന മധ്യേ പ്രാര്ത്ഥിച്ചു. വായുവിലൂടെ പകരുന്ന കൊറോണ വൈറസുകള് സസ്തനികളുടെയും പക്ഷികളുടെയും ശ്വസനേന്ദ്രിയങ്ങളേയും അന്നനാളത്തെയുമാണ് ആദ്യം ബാധിക്കുന്നത്. സാധാരണ ജലദോഷപ്പനി മുതല് സിവിയര് അക്യൂട്ട് റെസ്പിറേറ്ററി സിന്ഡ്രോം(സാര്സ്), മിഡില് ഈസ്റ്റ് റെസ്പിറേറ്ററി സിന്ഡ്രോം(മെര്സ്) എന്നിവ വരെയുണ്ടാകാന് ഇടയാക്കുന്ന ഒരു കൂട്ടം വൈറസുകളാണ് കൊറോണ വൈറസുകള്. ആന്റി വൈറല് മരുന്നുകള് ലഭ്യമല്ലെന്നാണ് ഇത്തരം രോഗങ്ങളുടെ പ്രധാന വെല്ലുവിളി.