ദിവ്യസക്രാരി അഥവാ ബഥനി
വി. ജോസ് മരിയ എസ്‌ക്രിവ സക്രാരിയെ വിശേഷിപ്പിച്ചിരുന്നത് ബഥനി എന്നാണ്. ബഥനി ബൈബിളിലെ പ്രസിദ്ധമായൊരു സ്ഥലമാണ്. അതിന് ചില സവിശേഷതകളുണ്ട്.
യേശു വീണ്ടും വീണ്ടും സന്ദര്‍ശിക്കാന്‍ ആഗ്രഹിച്ചിരുന്ന ഒരു ഭവനമാണ് ബഥനി. ലാസറിന്റെയും മര്‍ത്തായുടെയും മറിയത്തിന്റെയും ഭവനം. അവിടെ വച്ചാണ് മറിയം യേശുവിന്റെ പാദങ്ങളില്‍ തൈലാഭിഷേകം നടത്തിയതും ലാസറിനെ മരണത്തില്‍ നിന്ന് ഉയിര്‍പ്പിച്ചതും. സ്വര്‍ഗത്തിലേക്ക് പോകും മുമ്പ് യേശു ബഥനിയില്‍ എത്തുന്നതും നാം ബൈബിളില്‍ വായിക്കുന്നു.
സുഹൃത്തുക്കള്‍ തമ്മില്‍ കണ്ടുമുട്ടുന്ന ഒരു സ്ഥലം ആയിട്ടാണ് വി. ജോസ് എസ്‌ക്രിവ ബഥനിയെ കാണുന്നത്. അതു പോലെ സക്രാരിയും യേശുവുമായുള്ള സൗഹൃദ കൂടിക്കാഴ്ച നടത്തുന്ന സ്ഥലമാണ്.
നാം ഓരോരുത്തരും ഒരു സക്രാരിയായി, അല്ലെങ്കില്‍ ബഥനിയായി മാറാന്‍ യേശു ആഗ്രഹിക്കുന്നു. നാം ദിവ്യകാരുണ്യം സ്വീകരിക്കുമ്പോഴാണ് നാം സക്രാരിയും ബഥനിയുമായി മാറുന്നത്. തന്റെ സ്‌നേഹിതരായ മര്‍ത്തായെയും മറിയത്തെയും ലാസറിനെയും പതിവായി സന്ദര്‍ശിക്കുന്നതു പോലെ നമ്മുടെ ഹൃദയം പതിവായി സന്ദര്‍ശിക്കാന്‍ ഈശോ ആഗ്രഹിക്കുന്നു.
