ഫാത്തിമയില്‍ മാതാവ് ജപമാലയെ കുറിച്ച് പറഞ്ഞത്

വിശ്വപ്രസിദ്ധമാണ് ഫാത്തിമയിലെ മരിയന്‍ പ്രത്യക്ഷീകരണം. പോര്‍ച്ചുഗലിലെ ഈ ഗ്രാമത്തില്‍ ഫ്രാന്‍സിസ്‌കോ, ജസീന്താ, ലൂസി എന്നീ മൂന്ന് ഇടക്കുട്ടികള്‍ക്ക് പരിശുദ്ധ അമ്മ പ്രത്യക്ഷയായി. 1917 മേയ് പതിമൂന്നിന് ആയിരുന്നു പരിശുദ്ധ അമ്മ കുട്ടികളോട് ആദ്യമായി സംസാരിച്ചത്. പല സന്ദര്‍ഭങ്ങളിലായി ജപമാലയെ കുറിച്ച മാതാവ് കുട്ടികളോട് പറഞ്ഞ കാര്യങ്ങള്‍.

1. ഈ ലോകത്തില്‍ സമാധാനവും യുദ്ധങ്ങള്‍ അവസാനിക്കുന്നതിനും വേണ്ടി എല്ലാ ദിവസവും ജപമാല ചൊല്ലുക (മേയ് 13, 1917).
2.എന്നോടുള്ള ആദരസൂചകമായി എല്ലാ മാസവും പതിമൂന്നാം തീയതി നിങ്ങള്‍ ഇവിടെ വന്നു ജപമാല ചൊല്ലി പ്രാര്‍ത്ഥിക്കണം ( ജൂണ്‍ 13, 1917)
3 നിങ്ങള്‍ എല്ലാ ദിവസവും ജപമാല ചൊല്ലണം (ഓഗസ്റ്റ്, 19,1917)
4. യുദ്ധം അവസാനിക്കുന്നതിനായി ജപമാല നിരന്തരം ചൊല്ലുക. (സെപ്തംബര്‍ 13,1917 )
5. ഞാന്‍ ജപമാല രാജ്ഞി ആകുന്നു… നിത്യവും ജപമാല ചൊല്ലുക .(ഒക്ടോബര്‍ 13,1917 )