ഇന്നത്തെ വിശുദ്ധ തിരുനാള്‍: വി. പൗലോസിന്റെ മാനസാന്തരം
ജനുവരി 25. വി. പൗലോസിന്റെ മാനസാന്തരം
യേശുക്രിസ്തുവില്‍ വിശ്വസിച്ചിരുന്ന ആദിമ വിശ്വാസികളെ പീഡിപ്പിച്ചിരുന്ന സാവുള്‍ ഡമാസ്‌കസിലേക്കുള്ള യാത്രയില്‍ യേശുവിനെ കണ്ടു മുട്ടിയത് അദ്ദേഹത്തിന്റെ മാനസാന്തരത്തിലേക്ക് നയിച്ചു. ഇടിമിന്നലില്‍ പ്രത്യക്ഷനായ യേശു സാവുളിനോട് പറഞ്ഞു; “നീ പീഡിപ്പിക്കുന്ന യേശുവാണ് ഞാന്‍”. ആ ദര്‍ശനം അയാളെ അന്ധനാക്കി മാറ്റി. പിന്നീട് കാഴ്ച തിരികെ കിട്ടിയപ്പോള്‍ സാവുള്‍ മറ്റൊരു മനുഷ്യനായി മാറിയിരുന്നു. പൗലോസ് ആയിത്തീര്‍ന്ന സാവുള്‍ പിന്നീട് യേശു ക്രിസ്തുവിന്റെ സുവിശേഷത്തിന്റെ ഏറ്റവും ശക്തനായ പ്രചാരകനായി മാറി. തന്റെ ഉള്‍ക്കാഴ്ചയുള്ള ലേഖനങ്ങളിലൂടെ അദ്ദേഹം സഭയെ പടുത്തുയര്‍ത്തി. ഞാനല്ല, എന്നില്‍ ക്രിസ്തു ജീവിക്കുന്നു എന്ന് പറയാന്‍ തക്കവിധം അദ്ദേഹം ക്രിസ്തുവിന്റേതായി.
വി. പൗലോസ്, ഞങ്ങള്‍ക്കു വേണ്ടി അപേക്ഷിക്കണമേ
മരിയന്‍ ടൈംസിലെ ഇന്നത്തെ പ്രധാനപ്പെട്ട അപ്ഡേറ്റുകള്‍ താഴെ ലഭിക്കുന്നതാണ്.
