ആസ്‌ത്രേലിയയിലെ അഗ്നിബാധ; പ്രാര്‍ത്ഥിക്കാന്‍ ആഹ്വാനം

മെല്‍ബണ്‍: ആസ്‌ത്രേലിയന്‍ ഭൂപ്രകൃതിക്ക് വന്‍ നാശം വിതച്ച് പടരുന്ന കാട്ടീതീയുടെ പശ്ചാത്തലത്തില്‍ ദുരിതശമനത്തിനായി പ്രാര്‍ത്ഥിക്കാനും ദുരിതാശ്വാസത്തിനായി സംഭവാന ചെയ്യാനും മെല്‍ബണ്‍ ആര്‍ച്ചുബിഷപ്പ് പീറ്റര്‍ കോമെന്‍സോളി ആവശ്യപ്പെട്ടു.

‘കുടുംബാംഗങ്ങളോടും സുഹൃത്തുക്കളോടുമൊപ്പം പുതുവത്സരത്തിന്റെ സന്തോഷം ആസ്വദിക്കേണ്ട ഈ സമയത്ത് 2020 ന്റെ ആരംഭം വന്‍ നഷ്ടവും ദുഖവും വിരഹവും നാം നേരിടുകയാണ്. ഇനിയും നാശം വരുമെന്ന് നിലയിലാണ് കാര്യങ്ങള്‍’ ആര്‍ച്ചുബിഷപ്പ് പറഞ്ഞു.

ആസ്‌ത്രേലിയയില്‍ എമ്പാടും നൂറു കണക്കിന് സ്ഥലങ്ങളില്‍ തീ ആളിപ്പടരുകയാണ്. രാജ്യത്തിന്റെ ചരിത്രത്തിലെ ഏറ്റവും വലിയ തീ എന്നാണ് ഇതിന് വിശേഷിപ്പിക്കുന്നത്. 12 മില്യന്‍ ഏക്കര്‍ ഭൂമി ഇതുവരെ കത്തി നശിച്ചു കഴിഞ്ഞു. 19 പേര്‍ തീയില്‍ പെട്ട് മരണമടഞ്ഞതായി സ്ഥിരീകരിക്കപ്പെട്ടു. ജീവന്‍ നഷ്ടപ്പെട്ട ജീവിജാലങ്ങളുടെ എണ്ണം വളരെ കൂടുതലാണ്.

വിക്ടോറിയ, ന്യൂ സൗത്ത് വെയില്‍സ് സൗത്ത് ആസ്‌ത്രേലിയ തുടങ്ങിയ സ്ഥലങ്ങളിലാണ് തീ ഏറെ നാശം വിതച്ചിരിക്കുന്നത്.

Leave a Reply

Your email address will not be published. Required fields are marked *

You may use these HTML tags and attributes:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Realated articles