ഏഷ്യന്‍ ദൈവശാസ്ത്ര കോണ്‍ഗ്രസ് ആരംഭിച്ചു
മെഡാന്‍: ഒന്‍പതാമത് ഏഷ്യന്‍ ദൈവശാസ്ത്ര കോണ്‍ഗ്രസ് ഇന്തോനേഷ്യയില്‍ ആരംഭിച്ചു. ഇന്തോനേഷ്യയിലെ വടക്കന്‍ സുമാത്ര പ്രോവിന്‍സിലെ മെഡാന്‍ പ്ലാസ ഓഡിറ്റോറിയത്തിലാണ് കോണ്‍ഗ്രസ് നടക്കുന്നത്. 120 ലേറെ ഏഷ്യന്‍ ദൈവശാസ്ത്രജ്ഞന്മാര്‍ കോണ്‍ഗ്രസില്‍ പങ്കെടുക്കുന്നുണ്ട്.
ചടങ്ങിന്റെ മോഡറേറ്റര്‍ റെവ. അഗസ്റ്റീനുസ് പര്‍ബ ബൈബിള്‍ അടിസ്ഥാനമാക്കി ദിവ്യബലി പ്രഭാഷണം നടത്തി. ഉല്‍പത്തി 9. 12 – 17 ഭാഗമാണ് അദ്ദേഹം വ്യാഖ്യാനിച്ചത്.
സൃഷ്ടിയെ രക്ഷാകര പ്രവര്‍ത്തിയില്‍ നിന്ന് വേറിട്ടു കാണാനാവില്ല എന്ന് അദ്ദേഹം പറഞ്ഞു. ഈ ലോകത്തിലെ ക്രമവും ചേര്‍ച്ചയും എല്ലാ സൃഷ്ടിജാലങ്ങള്‍ക്കും ഇടം നല്‍കുന്നതാകണം, അവിടെയാണ് ദൈവം കൂടിക്കാഴ്ച നടത്തുന്നത്, റവ. പര്‍ബ പറഞ്ഞു.
വിവേചനത്തിനെതിരെ ദൈവശാസ്ത്രം കൊണ്ട് പ്രതിരോധിക്കണം എന്ന് ക്രിസ്റ്റിയന്‍ കോണ്‍ഫറന്‍സ് ഓഫ് ഏഷ്യ മോഡറേറ്റര്‍ ആര്‍ച്ച്ബിഷപ്പ് വില്‍ഹെം ടി പി സിമാര്‍മാത്ത പറഞ്ഞു.
